帶菌者最近就出咗新歌。
歌手龍小菌的樂隊帶菌者，繼《硬仗》之後持續創作，2017年整年無休地創作了十多隻作品，在網絡上推出了《有病》及《繼續追》，而今年推出首支愛情作品《去吧》。
談及《去吧》MV的拍攝過程，小菌話：「因為香港景有好多都睇慣睇熟，為咗令大家有啲新鮮感，我哋衝出香港拍攝，特地走訪外地，為咗令呢個地方唔好咁多人去，我哋稱它為隱世秘境。」只肯說該地方日日都放煙花，十分貼切其歌曲意境，又指拍攝過程好順利：「我哋拍完兩日，個煙花裝置就壞咗兩個星期，我哋真係好彩。」
今次的MV與年輕導演司徒穎賢合作，帶菌者大讚他在影像中的光影及色彩運用出色，不少人看過MV後大讚很有日本感覺，令他們很滿意。之後與小菌說到愛情觀，問她跟前度能否做朋友？她說初時以為可以，覺得：「本來我想可以做番朋友，因為始終大家深愛過對方。愛情係來自你對佢有幾深厚嘅愛，如果分咗手，愛係仍然存在。但係目前我發覺對方畀我嘅傷害係遠超過呢一份愛，愛得愈深傷得愈深。當我想同佢做朋友，保持交往，但發現換番嚟係傷害。」不過她又覺得隨着時間，傷害和愛也會沖淡，所以她不確定可不可以和前度做回朋友，最終要看那一刻心情。
來源 source: http://hk.on.cc
|
鍾意就快D Share啦！
|
|
|