2018年4月6日 星期五

不停爆喊!黎瑞恩開騷勁歌熱舞險拗柴 __,黎瑞恩,

好彩最後冇事。歌手黎瑞恩(小恩子)今晚首場假紅館舉行《黎瑞恩感恩有你演唱會2018》,出名眼淺的她事前已叫大家唔好整喊佢,最終全晚一共喊足三次,首次為 ...


好彩最後冇事。


歌手黎瑞恩(小恩子)今晚首場假紅館舉行《黎瑞恩感恩有你演唱會2018》,出名眼淺的她事前已叫大家唔好整喊佢,最終全晚一共喊足三次,首次為唱到《活得比你好》時,小恩子一度用手抹眼淚,現場Fans即時大叫「加油」,接着唱出《雲上的日子》時,她哽咽地說:「大家記唔記得呢首歌,喺我16年前最後一首唱畀大家聽嘅歌。」第二次為她邀請相識三十多年的合唱團朋友,上台合唱《一人有一個理想》,眾人身後亦有播放當年演出的合照,小恩子忍不住再落淚。

孖師父杜麗莎合唱

Encore環節,小恩子以一身型格閃石Bling Bling 中門大開Deep V西裝Look現身,非常性感!她邀請師父杜麗莎上台分別獻唱《Can't Take My Eyes off You》及《仍然記得個一次》,二人興奮得手拖手走勻全台邊跳邊唱,獲全場掌聲。杜麗莎更不忘大讚小恩子瘦身成功,還鼓勵她要善用天生靚歌喉,唱多啲好歌。

邊到跌低就要喺邊到企番起身

來到全晚重頭戲,小恩子準備勁歌熱舞前大叫:「我練咗成個月啦,但年紀大,成日都唔記得,跳跳吓又唔記得,大家一齊同我起身跳!」隨即全場人起身支持,小恩子自信表演唱跳Medley,但唱到《煞科》時,小恩子懷疑企不穩失去重心,差啲拗柴,好彩即時企穩陣腳,撥開頭髮繼續落力演出,非常敬業!唱畢時,她都取笑自己差啲拗柴:「你哋睇唔睇到?但係邊到跌低就要喺邊到企番起身!」接着再大合唱唱自《發誓》及《長流不息》。

感激粉絲撐足28年

而全晚最後一次喊就係唱到最後一首歌《一人有一個夢想》,小恩子笑言次次唱到最後都喊,搞到最後首歌好難聽,唱至尾段她感性說:「多謝大家喺呢28年一直支持我,雖然我喺樂壇出出入入,但你哋都繼續愛我,多謝你哋!希望今日我嘅演出大家都鍾意,我真係好用心做!」說畢小恩子便向Fans講再見,首場演唱會於十一時十分完滿結束。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...