掃呢頁CODE去手機

2018年4月6日 星期五

操弗Body引人追?唐詩詠:又未去到咁 __,詩詠,唐詩詠,

唐詩詠最近就操到好弗!藝人唐詩詠日前於新蒲崗拍攝新劇《白色強人》一場小童被襲擊後送院的戲份,飾演醫生的她表示已開工近一個月:「今次有齊所有劇本,所以所 ...


唐詩詠最近就操到好弗!


藝人唐詩詠日前於新蒲崗拍攝新劇《白色強人》一場小童被襲擊後送院的戲份,飾演醫生的她表示已開工近一個月:「今次有齊所有劇本,所以所有我嘅主景一次過拍晒,我連續開咗十日嘅急症室景,去到中間時係有少少攰,好似拍咗好耐,但感覺係開心。」

提到首次於劇中飾演醫生,她表示一直有看醫生劇集:「我睇咗10年,我好鍾意睇醫生劇,所以今次拍嘅時候好快有做醫生嘅感覺。雖然好辛苦好攰,但我好享受。因為我一直好想做醫生角色,今次終於做到。」她又謂今次有醫護人員協調拍攝,減少出錯。

至於同劇拍檔馬國明再次於劇中飾演醫生,問到可有問對方如何演繹好角色,她笑說:「冇。我哋今次同《On Call 36小時》唔同,佢都有新嘅演繹方法。同埋有醫護人員喺度,梗係問醫生唔問佢。」提到早前於劇集造型活動上表示見血就暈,她謂已克服這個問題:「我哋有頗多血嘅場面,好好彩今次冇事,冇嚇親我。(大膽咗?)係呀!可能拍戲時一入咗個角色,所有自己本身嘅恐懼冇咗,一離開角色可能返番嚟。」

講到日前於社交網站上載健身片段,她說:「依家愛上咗做運動,所以一放假就第一時間去做運動。(身材Fit咗?)其實無論係乜嘢身形都好,我覺得只要健康就得。雖然大家覺得我好似好瘦咁,但都需要做運動。因為瘦都可以有膽固醇,可以有高血壓,所以運動係唔可以缺少,同埋做咗運動嗰人會精神啲,收工返屋企都會做15分鐘運動。」問到可有人讚她身材fit了,她說:「佢哋有睇到,做完有人讚梗係開心,有成果喺度。(有冇多咗男生追求?)咁又冇,又未去到有人追。冇所謂呢樣嘢唔急得,女仔單身都可以好快樂。」


來源 source: http://hk.on.cc
鍾意就快D Share啦!