邵音音與兩位後輩吳智杰（左）和林鈺洧到摩羅街尋寶，看見李小龍的海報，重拾與一代巨星的往事。
資深藝人邵音音與新人林鈺洧、吳智杰為奇妙電視全新節目《使乜驚大兩Gen》擔任嘉賓，由邵音音充當「導遊」，帶林鈺洧及吳智杰走進電影世界，邵音音更大爆入行血淚史，又向兩位後輩傳授演戲技巧。
回想拍戲的辛酸史，邵音音坦言有苦自己知：「試過攞到個劇本、合同以為好開心，一打開得兩排字，仲用鋼筆寫咗好多要求，又露胸，又要拍三次全裸，但再睇就發現自己已經簽咗名。當時好痛苦，但又唔講得畀人聽，因為合同係你自己簽。」她表示現在有經理人公司幫忙，不會再發生類似事件。
唔畀自己停喺某一個年代
談及當年誤打誤撞認識了正在拍攝《龍爭虎鬥》的李小龍，驚訝被安排試鏡：「當年第一次見李小龍我唔認得佢，但估唔到我畀佢睇中，叫製片同我試鏡！我好記得佢講過，一日有佢李小龍，一日就有我，但點知冇幾耐佢就走咗。」講到拍戲心得，她認為最重要是用心演好每一個角色，自然會做得好。
另外，邵音音帶林鈺洧及吳智杰去到人稱古董街的摩羅街尋寶，林鈺洧興奮地說：「好鍾意古董街、好多寶物，我自細都有儲英女皇頭幣！」又大讚邵音音敬業樂業：「好欣賞佢嘅精神，唔會畀自己停喺某一個年代，而係不斷進步。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
