立法會審議一地兩檢條例的法案委員會，星期二因泛民議員突襲而流會，到星期五會議在濃烈的火藥味當中開始。工聯會議員黃國健發言翻起舊帳，譴責泛民星期二導致流會事件，要求委員會主席葉劉淑儀加快會議進度： 「唔能夠再容許議員用各種藉口去燒時間。」
公民黨陳淑莊則反駁，「流會如果唔係有建制派同事能夠欲成好事嘅話呢，其實我哋都做唔到嘅。」民主黨林卓廷也加入戰團，「你哋（保皇黨）明知道我哋民主派係質疑今次嘅草案違憲，我哋梗係盡力阻止違憲嘅草案喺立法會審議，咁你哋咪坐齊人嚟囉。你唔坐齊人，流會。咁你哋都有責任架吓話？」
隨後會議期間，民主派繼續用盡方法拖慢審議進度。當謝偉俊正想就草案的原則問題提問卻遭葉劉反對，指審議已進入另一階段，不要再問原則問題。就在此時泛民議員為即當起助攻手，為謝偉俊「抱打不平」，提出規程問題，要求葉劉解釋為甚麼不讓謝偉俊發問，有議員更叫出「不要屈服在她的淫威之下」，場面一度混亂。
助攻手之一的毛孟靜向《壹》仔笑指謝偉俊被葉劉淑儀「抛窒」：「謝偉俊明明俾人蝦又唔肯認，唔肯講嘢繼續落去，我已經覺得佢好配合，繼續喺度用一個咁樣嘅聲調，一時間我又諗唔到中文點樣形容好，（所以便說）你做咩咁apologetic啫。」
「（葉劉）佢嗰種急嘅程度，㺅急之情溢於言表。」毛孟靜續炮轟葉劉道。
撰文：時事組
攝錄：時事組
來源 source: http://nextplus.nextmedia.com
|
鍾意就快D Share啦！
|
|
|
