無綫「型男」袁偉豪（Ben）擁有一身有線條又均勻的肌肉，今年更代表男生加入書展寫真戰，自資六位數字推出純影集，更與團隊到印尼峇里拍攝。除了激凸泳褲照、生活及工作寫真外，相集還會以全裸為終結，「激」退一班寫真女將楊思琦與松岡李那等，而今次收益將撥捐行善。
差啲畀人影全相
今次推出純影集，Ben接受東網訪問時指，一來紀念入行20周年，二來亦完成多年心願：「其實十年前已經想出，但當時狀況有啲吃力，依家個人大咗、多咗好多經歷，天時、地利、人和下促成今次成事，都係命運嘅安排。」雖然相集離不開商業元素如泳褲照，但今次不是純粹Show肌，他說：「本相集紀錄咗呢兩、三年嘅生活點滴同工作寫照，當中仲有寶兒（女友張寶兒）客串演出，但冇正面出鏡，全部都係啲Wideshot，背面同側面交代。」
問到相集還有甚麼賣點時，Ben才自爆尾段會以一張全裸相作結：「其實係有意思嘅，係人生嘅睇法，都幾激！我哋BB仔嚟到呢個世界時乜都冇，當我哋走嗰日都係乜都帶唔走，我用呢幅相嘅意境同文字去交代作為相集嘅終結。」又爆出拍攝時的蝦碌事：「咁啱影全裸照個景點，係印尼出名嘅海灘，所以好多人，仲有人喺度影婚紗照！當時我摟住毛巾，諗住一除就影，點知影完轉頭已見後面啲人舉起手機想自拍，即刻遮住前面。」至於會否為女友影水着寫真，他坦言不介意：「最緊要成件事做好啲，將來攝影技巧再高啲先！」
女友全程陪影
全程陪影的張寶兒接受訪問時坦言，支持男友推出相集：「上年尾佢同我講有個願望，就係出本相集，我當時輕描淡寫咁話：『咁出囉！』跟住就去籌備！我都好鍾意呢本書，傳遞嘅唔單止係相嘅美感，仲有一種有訊息嘅生活態度！（畀Ben操刀幫你影寫真？）我成日都叫佢，佢唔得閒啫嘛！不過佢真係好鍾意影相。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|