宅男阿勇與美容妹Coco一段不能拖手的戀愛，惹來網民熱議，事件中關鍵主角之一的軍師「表弟」阿杰，被群插「推女友出去釣事主」。《蘋果》收到多名讀者及其中學同學爆料指他得罪人多，剛入讀大學即投身傳銷業，除了向舊同學埋手推銷「垃圾課程」，吹噓畢業後可獲高薪，又「做倫敦金，呃街外人」。
記者：李啟發 劉卓瑩
綜合阿杰多名舊同學包括中學同學Amy（化名）透露，阿杰五年前在屯門一間名校畢業，考入科大商學院，但只讀了兩年便一度停學。他為人「比較玩得，講嘢mean啲」，經常在facebook及instagram上載女性合照、現金及名錶照片，舊同學都指他從事倫敦金工作。
阿杰讀大學時，已到小店做兼職，目的是結識推銷目標。他當時已從事教育中心中介工作，經常氹中學同學參加課程，「好多同學都被說讀不同種類嘅課程，會計、幼教，（阿杰）從中抽佣，唔知佢抽幾多佣，但佢好落力」。
另一舊同學麥先生補充，他曾向全級同學實行洗腦推銷，「例如家底唔好嘅就同你講報下投資course，話大學都要一筆學費，你都想幫輕下屋企嘛，再話不如一齊學投資，講就話一齊學，其實佢係做sell人嗰個」。即使最終沒報讀課程的同學，所付定金都不能取回。他之後又想向年輕一屆的同學埋身，但被他網上踢爆後即潛水。
Amy亦曾中招，當時阿杰約她出來推銷一個1.6萬元課程，強調若她要從事心儀的教育工作並獲得高薪，必須先完成有關課程及取得證書。她憶述：「嗰陣（阿杰）有叫我報course，佢會帶你上去一幢商業大廈，不停有人同你講，要簽嘢，佢會加把口。」
她上堂後，才發現該課程導師教授的內容重重複複，「讀完出嚟其實冇用」，同學們事後都嘆被騙。她之後報讀其他課程，才發現根本不用持有該證書，也可以獲課程導師推薦入行。當阿杰得手後，便沒再找她，「（推銷）嗰排好頻密，落咗叠就唔搵你，之後會delete你facebook同instagram。」
《蘋果》曾致電阿杰並欲上門查詢阿杰對有關指控的回應，但他沒有聽電話，保安也不准記者上樓。
你敢爆，我敢獎！即Call
| | | |
|
鍾意就快D Share啦！
|
|
|