出緊街嘅「天命」，飾演《嘉慶帝》嘅譚俊彥，近日接受今日vip訪問時，就話好想多謝一個對手大家可能一諗就諗到係陳展鵬、或者係皇后李施嬅佢要多謝嘅人，原來唔係主角級數！
呢個人就係綠葉王，做佢小德子嘅戴耀明。《天命》係譚俊彥入大台嘅處男劇，雖作為殿堂級狄龍之子，又係男主角，但譚俊彥開工唔會擺款，佢同戴耀明，戲裡戲外都係best friend，對方係佢入大台第一個知心友。
譚俊彥說:「其實戴耀明係一個心地好善嘅人，入TVB後佢係我第一個朋友，經常陪著我，因為嘉慶和小德子嘅關係。
我有乜嘢諗不通，如演戲及劇本上我們都傾談很多。佢好支持我，會不時幫我分析劇本，該如何做等等，我每晚都會車埋佢返屋企，有空佢又來我家同我個女玩，我女又會叫佢做小明哥哥，佢其實係一個好sweet嘅人。」
佢連小德子嘅健康同姻緣問題都關心埋。
「前排佢身體唔係幾舒服，瘦咗好多，好想開解佢多啲，我都試過介紹女仔俾佢認識，希望佢快點成家立室。總之佢係我TVB認識嘅第一個演員朋友，真係我好好嘅朋友。」
嘉慶帝呢位兄弟公開多謝佢，戴耀明有咩反應？
「初初識佢，只知佢係狄龍哥個仔！唔知佢性格各方面係點，後來相處過發覺呢個人幾真，好快變成一個深交嘅朋友，同埋幾佩服佢一劇接一劇，基本上沒有停過，但竟然仲咁有心有力，咁鬼攰嘅情況下還可以生仔，好厲害！凌晨四點收工，早上六點開工，還有力造人，生個他出來，真你欽敬欽敬。」無時正經嘅戴耀明說。
請參與壹週刊大獎賞活動！有機會抽中郵輪假期 、名牌腕錶、4K超高清電視或金箔護膚品，仲有機會同陶傑共晉晚餐添！即按：http://bit.ly/Appinstall18
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|