思琦即將迎來40歲生日！
藝人楊思琦8月7日將迎來40歲生日，下午她偕同媽媽及囡囡到深水埗，出席生日會及寫真集簽名會。囡囡楊卓穎相當貼心，親手繪製畫滿豬豬的生日卡給「豬媽媽」思琦，又帶頭與賓客齊唱生日歌，場面溫馨。
提及今年生日，思琦指意義非凡：「我好少搞咁大型嘅生日會，今年出寫真反應幾好，都有好多電影、電視劇、代言及活動嘅工作洽談中。（後悔遲出寫真，工作可以早啲嚟？）今次都係出版商搵我，各方面配合，可能係最好時機。」談到生日願望，思琦表示：「大家都開心、幸福、身體健康，我要青春常駐。（諗吓感情生活？）太忙喇，不過都係時候要睜大雙眼，接受多啲新事物。（多咗朋友介紹男仔畀你識？）又唔會，大家知我唔係好出去。」
講到曾志偉寸爆港姐外景事件，思琦謂：「志偉哥好搞笑，不過留喺香港選美有地利，我記得我嗰年去日韓，適應唔到天氣，又凍又流鼻水，留喺香港會發揮好啲。」
來源 source: http://hk.on.cc
|
鍾意就快D Share啦！
|
|
|