掃呢頁CODE去手機

2018年9月16日 星期日

陳小春:當年非「山雞」首選 陳小春竟然爭贏男神! __,小春,陳小春,

果然機會係要自己爭取!!藝人陳小春近年頻頻返大陸參與真人騷,仲帶埋個仔Jasper一齊見人,好爸爸形象打入民心。小春當年憑《古惑仔》系列電影中「山雞」 ...


果然機會係要自己爭取!!


藝人陳小春近年頻頻返大陸參與真人騷,仲帶埋個仔Jasper一齊見人,好爸爸形象打入民心。小春當年憑《古惑仔》系列電影中「山雞」一角彈出,當時佢同「剛烈火爆」劃上等號,最近佢仲大爆原來自己唔係「山雞」首選,而佢嘅「對手」仲係世紀男神添!

小春喺一個大陸媒體嘅訪問中講到,出生廣東山村嘅佢,從小就要照顧弟妹,喺父親高壓教育方式下長大。佢自爆當時父親怕佢跑出去玩,冇人照顧弟妹,所以索性用鐵鍊鎖佢喺鐵閘,令佢一度怨恨父親。

國中小春就輟學跟爸爸到香港謀生,曾喺茶樓做點心,又試過大排檔送茶水,更做過髮型學徒,一直到TVB招舞蹈藝員,冇學過舞蹈嘅佢竟然入選,之後仲同謝天華及朱永棠組成唱歌跳舞組合「風火海」。

一路去到《古惑仔》試鏡,當時謝天華同朱永棠都被導演選中,小春不甘被落下而毛遂自薦,從導演劉偉強的手中攞到「山雞」一角,後來佢曾問:「如果唔係是我,個角色會畀邊個做?」答案竟然係金城武!雖然《古惑仔》係陳小春經典作,但原來佢從來未完整地睇過:「就算有時電視上播,睇住當時嘅自己唔知點解有啲尷尬,感覺奇奇怪怪。」


來源 source: http://hk.on.cc
鍾意就快D Share啦!