崔嘉寶在1986年參選港姐，當年李美珊（Robin）爆冷贏大熱吳婉芳奪冠，全城大喝倒采，頻呼造馬。身為那一屆落選港姐，崔嘉寶沒有覺得不公：「相處時，我係好鍾意Robin，佢好陽光，佢外國返嚟，見識又多、讀書又多，好叻女。Robin唔係我哋一般人眼中嘅靚，但同佢相處過嘅人，都感受到佢嗰份活力，我覺得冇乜內幕。」
相關新聞：跑步開心過買嘢
過去30多年來，崔嘉寶仍有跟移居西班牙的Robin及其他港姐保持聯絡。崔嘉寶跟老公周文曦認識，也是因為同屆港姐朋友做媒：「嗰陣我拍緊《金牙大狀》第一集好忙，朋友話有男仔介紹我識，咁就抽個時間食飯，之後一齊去卡拉OK。去到朋友無端端叫我坐嗰邊，原來佢介紹嗰個男仔（周文曦）出嚟，似係焗我去相睇。」
原來周文曦曾經在一間coffee shop見過崔嘉寶，對她一見鍾情：「佢對我好有印象，但唔知我係演員，有一次佢喺雜誌見到我，就同個朋友講『我嗰日見到就係呢個女仔喇！』朋友嘅女友就係我以前選港姐個朋友，所以就搵我女朋友叫我出嚟。」
來源 source: http://hk.entertainment.appledaily.com
|
鍾意就快D Share啦！
|
|
|