孖謝高晉玩姊弟戀 蘇慧恩向《敗犬》楊謹華偷師
蘇慧恩（Ophelia）及謝高晉於深圳出席電影《真的你．假的我》新聞發佈會，會上公佈影片將於2020年暑假檔期，內地8千多間電影院缐上映。
被問及影片內與男主角謝高晉有否戀愛關係？Ophelia說 :「片中我飾演一個神憎鬼厭嘅酒店老闆娘，高晉就係俾我詐騙之後，成為咗酒店員工，我就用一個大姐姐嘅角色教佢點樣打理酒店，喺日對夜對嘅情況之下，當然對佢有感覺，其實套戲有啲似《敗犬女王》姊弟戀嘅橋段，所以拍呢套戲之前，我都翻睇咗部劇向楊謹華同阮經天偷吓師！」
二人可否接受姊弟戀？謝高晉表示：「唔介意女朋友大過自己，最緊要性格夾得到，同埋有共同話題，反而女仔大個小小會成熟啲，冇咁公主病，更加識得照顧自己，因為我都好怕同一啲唔成熟既女仔一齊。」Ophelia則說：「年齡對我唔係一個問題，因為本身喺屋企係大家姐，由細到大都好識得照顧人，所以我真係唔介意另一半細過自己，最緊要我對嗰個人有感覺，就算姊弟戀都冇所謂」
來源 source: http://hd.stheadline.com
|
鍾意就快D Share啦！
|
|
|