前大台小花岑潔儀（Zoey）25歲已結婚，老公是馬來西亞富商Dixon，現年32歲的她已經是兩子之母，因曾在社交網晒巨鑽、波子座駕兼家族車牌「ZSDC」、升呢做馬主、發表「買不起衣服是你的問題」言論，被網民封為「炫富天后」的她，不慎在社交網自爆屋企只有1位工人姐姐。
Zoey今日在社交網晒湊仔相，留言：「經過呢一個月，我真係好尊重所有冇姐姐，冇家人幫忙一打二的全職媽媽，更覺得自己好幸運有一個幫到手，放心的姐姐。我姐姐返到屋企嗰一刻，我差點哭出來，呢一個月真係好累，累到連病嘅資格都無，所以我只病了一日，不停食藥叫自己要快快好起來。」
由於冇工人幫手，Zoey要親自做家務兼湊仔，由朝早8點做到晚上10點：「呢份工真係不容易，洗衫、煮飯、清潔屋企、陪玩、餵食、換片、餵奶。你望落去是一件很容易的事，其實做得好真係好有難度。不過幾辛苦我都完成了，做工係辛苦，但係陪伴小孩一點都唔辛苦，我同兩個仔已經做到形影不離，孭帶孭住一個，手拖住一個，連體嬰經常在一起。」
雖然辛苦，但Zoey很珍惜這段親子時間，更自嘲：「最後我終於減肥成功，足足瘦咗8磅 #為母則強係逼出來的 #我完成了一個月艱鉅的任務 #一打二真的不容易 #老公一定要好好愛錫自己老婆 #唔好再嫌三嫌四 #話屋企唔夠乾淨 #老公講少一句當幫忙 #我可以出街食飯了」。
|
鍾意就快D Share啦！
|
|
|
