洪朝豐公開他由雙性戀者變成同性戀者，60年人生旅途上，他愛過3個女人——女同學、前妻葉桂好和已故女首富寶詠琴，也先後跟5位男朋友交往。
宣佈出櫃，洪朝豐說是希望重從新出發，找到真正人生伴侶。
「嚟到60歲，我唔會好似以前因為寂寞愛上人，以前我曾有過一啲好不堪嘅愛情（同性），歸根究柢，我因為寂寞先去愛人，所以隻眼睇得唔清楚，吃咗虧。我認識咗個新疆人，同佢一齊10個月，佢喺網上approach我，同我打招呼，佢住烏魯木齊，我坐飛機去，睇吓今次能唔能夠搵到真正愛情，然後佢就同我講，你可唔可以幫我買個手機，佢要蘋果，我去旺角搵，蘋果手機嗰時要6,000幾蚊，我去到旺角打返畀佢：『6,000幾蚊喎，好貴喎！』」
最後洪朝豐買了一個平一半的Ericsson給對方。
「我攞住呢個3,000幾蚊手機上到去交畀佢嘅時候，佢完全冇意思想畀返錢我，而我竟然完全唔為意，原來佢一開始係為咗我嘅錢、喜歡我嘅物質，而唔係真係喜歡我個人……我係因為寂寞先愛上呢個男人，如果正常朋友交往嘅話，我一早飛咗佢，我唔可能同佢開展咗10個月嘅愛情，我仲要係不斷飛上去見佢，又邀請佢兩次嚟香港，帶佢周圍去玩……10個月嘅兩地相思，我覺得好不堪，所以你問我而家係咪愛情好渴求？係，但我已經係一個新嘅人，我唔會再因為寂寞而去愛上一個人，如果愛上一個人，係為我被佢深深吸引，到底乜嘢人會被我吸引，就係佢一定係孝順父母、尊敬老人家、尊敬老師嘅人....如果呢3樣嘢做唔到，都唔會覺得佢對我有吸引力。另外仲有一樣好重要，根據我過往經驗，呢個（人）必須係同我一樣，係浪漫嘅。」
採訪：戴彩煥
攝影：郭賢興、周樂恒
攝錄：馮嘉銘、林賓尼
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com
|
鍾意就快D Share啦！
|
|
|