呂慧儀同張景淳完全唔避嫌。
無綫藝員呂慧儀與湯盈盈在將軍澳澳電視城，為處境劇《愛．回家之開心速遞》之「至Fit健康同樂日」，眾人合體擺出瑜伽甫士，相當搞笑。而在劇中演一對的「龔燁」張景淳和「熊若水」呂慧儀，雖然不繼傳出緋聞，但張景淳都不避嫌，即場同呂慧儀玩公主抱，呂慧儀還冧爆擺出心心手勢，難道真是戀情浮面？
唔擔心小朋友繼續停課
身為媽媽的呂慧儀與湯盈盈，講到小朋友大有機會繼續停課，湯盈盈說：「我又唔介意，安全第一，依家開始識教個女做功課，唔會同佢鬧交，疫情嚴重，情願佢哋留喺屋企，依家都學識放鬆啲。」呂慧儀則說：「個仔啲練習都做晒要再買，依家收工返屋企就係同佢做練習，好多時都做到十一點，唔緊要啦唔使返學，可以晏啲先超身。」
講到停學多時可擔心小朋友的學習進度？呂慧儀說：「唔緊要啦，大家都一齊停咗，小朋友仲細，唔係讀中學，唔會影響好大。」問到小朋友可會扭計想出街？呂慧儀說：「之前有，但依家出街要戴口罩，有時叫佢去超級市場，但因為要戴口罩佢都唔肯去。」湯盈盈指兩個女兒有伴玩，也不願外出。
來源 source: http://hk.on.cc
|
鍾意就快D Share啦！
|
|
|
