馮盈盈畀網友鬧言談間太過出位。
前港姐冠軍馮盈盈經常語出驚人，日前佢為鄭裕玲主持嘅電台節目擔任嘉賓，講番兩年前佢喺台慶着嗰條性感透視裙，原來當時冇着Bra同底褲，仲撞正生理期，所以用衞生棉條頂硬上，隨即引起熱議，有網友直言佢言行太過出位。
馮盈盈事後再喺社交網發文，指當日已為咗照顧廣大聽眾尺度同廣播標準，用「女生一個月不太方便的幾天」去形容生理期，直言月經係女性生活嘅一部分，但如果有人覺得聽落去仍然覺得不安，佢願意為事件作出道歉：「如果你覺得我用詞還是包裝得不夠含蓄太露骨，令你不安，我為此感到抱歉，如果是就我談起月事而冒犯了你，我希望你明白，月經是女性生活的一部分，自古以來因為各種對月經的成見和忌諱，令不少女性由少女時期開始，就要受到不必要的限制和打擊，對自己身體感到尷尬和羞恥，這是對女性價值的貶抑，女性應該有正確的自我認知和生理觀念，好好了解自己的身體，才能拋開各種束縛，更自由，無負擔的實現自我。」
來源 source: http://hk.on.cc
|
鍾意就快D Share啦！
|
|
|
