停工做煮餸KOL 麥子樂無懼染病照去健身室
受新冠肺炎疫情影響，不少藝人的工作紛紛煞停，雖然不用開工，但麥子樂仍忙個不停！熱愛健身的他繼續去Gym room操肌，回家後又化身「麥師傅」鑽研不同菜式，麥子樂說︰「我一向主張強身健體，不論是否對抗疫情，你要對得住自己身體，先可以做更加多嘢。疫情時期當然減少好多社交活動，但運動唔停得，一定需要，同埋keep住做，疫情完結你便有好狀態去做嘢，唔可以畀自己停落來。」問可會擔心於健身室感染？他說︰「Gym room安排很好，盡量把客人分成不同時段去，基本上我做gym時四圍都冇人，加上定時消毒，而且我都會勤洗手，做足防疫措施，所以都放心去做。」
此外，麥子樂透露近日愛上入廚，更自稱是一位「住家男」，並謂首次煮給母親吃時，對方勁開心，他說︰「我一向鍾意煮嘢食，好鍾意別人食完感到開心的感覺，記得第一次煮畀媽咪，其實佢開心到癲，可能佢覺得我終於識煮嘢食。」他笑言自己有潛質做煮餸KOL，最後不忘為大家打氣︰「希望香港人加油，齊心對抗疫情。」
來源 source: http://hd.stheadline.com
|
鍾意就快D Share啦！
|
|
|
