謝東閔話朱智賢食好多嘢㗎！
藝人謝東閔接受電台訪問，提到有不少藝人都趁住留家避「炎」，密密做運動操Fit，問平時可會跟緋聞女友朱智賢（朱朱）一起做運動？他說：「佢好懶做運動㗎，但佢食好多嘢，食得多過我都仲係咁瘦。（會迫佢做運動？）有時都會，可能我同幾個朋友一齊做Gym，佢就同其他朋友喺隔離做瑜伽，完咗就一齊食嘢。（唔同佢一齊做瑜伽？）唔啦，我想學吓拉筋多啲，因為腰痛，同埋我鍾意啲衝勁運動多啲。」問到他腰痛，可會叫朱朱幫手按摩？他笑言：「絕對唔會啦，好尷尬，我拉吓筋就得。」
他分享做運動的心得：「都略知一二，平時都會睇吓點樣保養、物理治療、飲食嗰啲，因為藝人要減肥同我有時會腰痛，睇吓點樣可以紓緩肌肉。（咁快睇定養生？）要㗎，都30幾歲啦，男人過咗30歲體能就會走下坡，有時做運動姿勢唔好又會有問題。」他表示做很多運動，平時以跑步為主，之前亦會做Gym、Boxing、踢波等。
講到工作，他透露月底會開拍新劇《刑事偵緝檔案V》，飾演有精神病的人，現時都會積極準備及Keep Fit，保持狀態。
來源 source: http://hk.on.cc
|
鍾意就快D Share啦！
|
|
|