回憶嘅嘢真係錢都買唔到！
無綫劇集《機場特警》近日熱播，當中飾演「吹水哥」嘅楊證樺，雖然成日都口花花鍾意撩女仔吹水，但喺入面精通八國語言，日前播出嘅一集佢大講法文，令唔少網友大讚流利，好有語言天分！
現實生活中，楊證樺相當貼地，一啲都唔吹水，日前帶咗老婆沈可欣去尋找中學回憶，原來喺何文田愛民邨營業多年嘅快餐小店光榮結業，故佢找緊尾巴，帶埋老婆去食最後一餐！除咗兩個二人世界堂食撐枱腳，仲買埋外賣添，非常支持，佢話：「知道 #天馬快餐 要光榮結業！呢兩個星期，就幫襯咗三次，去重拾兒時的回憶和味道！感謝你在我的成長中，留下美好的回憶！期待你再大展拳腳！#愛民邨天馬快餐#光榮結業 #不捨得#美味的食物#兒時回憶#當年讀中學必食的午餐#阿仔都話好味」
來源 source: http://hk.on.cc
|
鍾意就快D Share啦！
|
|
|