力嫂呀～～
無綫劇《降魔的2.0》尋晚首播，喺第一輯飾演「的士哥」馬季（馬國明飾）父母嘅力哥（金剛飾）同力嫂（小儀飾），睇落以為係客串，但戲份相當重要，親情戲更非常催淚，所以唔少網民都好關心究竟今輯有冇小儀同金剛呢？
小儀喺社交網解答大家提問，佢話：「有人同我講，《降魔的2.0》有你就好嚕.....喂呀，有呀有呀，監製嘟嘟好好㗎，有預到我份㗎！大家記得留意呀，有少少我㗎！呢套劇，係小女子喺TVB完約前最後一套劇集，多謝咁多位！😊😊😊 #降魔的2」佢仲上載咗張劇照，唔知劇情係講咩呢？
而網民都大讚佢上一輯做得好好，好感人！不過同樣離開咗無綫嘅金剛就冇透露佢會唔會出現，但網民都似乎「心水清」，留言：「但有媽媽沒有爸爸😅」、「如果有埋金剛一齊仲好」！
來源 source: http://hk.on.cc
|
鍾意就快D Share啦！
|
|
|
