吳業坤開完有人接放工。
藝人吳業坤最近加盟新公司，忙於拍攝劇集《BB大晒》，但日前見他到電台工作後，身邊多了一位打扮年輕的神秘女子，兩人還煙韌翹晒手，狀甚親暱！兩人行到附近超市掃貨，揀薯片又睇急凍食品，其後更公然拖實女方睇牛扒及紅酒！經過試食攤檔，他主動出手餵對方，當女方拉下口罩露出「廬山真面目」，原來是吳母！
其後，兩母子去睇廁紙，吳業坤用麒麟臂捧實三排廁紙，主動施展「力的表現」，但期間不慎跣手，其母即蹲低幫手執拾，繼續翹手行街。行到口乾，吳業坤到附近店舖買飲品，吳媽媽見兒子滿手貨品，即出手餵他飲又幫抹嘴，母子情深！途中，她突然指一指膊頭，吳業坤即幫手按摩，對媽媽更有如女友般冧爆！
事後，吳業坤透露因近日空閒時間較多，故盡量多陪媽咪：「陪佢去吓超市，日常起居嘅嘢都會陪佢做。」講到在超市買入不少食材，他表示打算親自下廚炮製大餐孝敬媽咪。
來源 source: http://hk.on.cc
|
鍾意就快D Share啦！
|
|
|
