林保怡、周家怡、衛詩雅、伍詠薇（伍姑娘）、陸駿光、談善言等今日在九展出席ViuTV新劇《歎息橋》記者會，該劇將於下周一晚播出。首次擔任監製兼演員的保怡在活動上向伍姑娘豎拇指，大讚對方演技。
保怡指前兩年因為要籌備拍攝《歎息橋》而無接其他工作，所以此劇是他的第一個BB，加上今次多了一個監製身份，會與演員們研究每一場戲。家怡曾與保怡合作《瑪嘉烈與大衛系列—綠豆》，今次再度合作，家怡笑言不夠喉，希望保怡會再找她合作，她說：「同保怡拍戲係好enjoy，而且呢個團隊亦畀咗好多自由空間我哋，未拍之前，大家又會去打邊爐、飲吓酒。」保怡補充：「咁多年，一見到演員就要拍，大家唔熟會怯場，所以《歎息橋》開鏡前，我搞咗個聚會，大家熟咗，去到片場都會好輕鬆。」
對於大陸早前已率先播，有網民對香港未能同步播映感失望，保怡無奈地說：「我哋公司其實係一個製作單位，至於邊度上先，邊度上後，就真係要問返啲老闆。」會否擔心因觀眾已可在網上追看而影響收視？他續說：「冇辦法，其實呢樣嘢我都提過，我覺得啲人會重複睇，所以我唔驚，因為呢套劇，你唔能夠睇一次就會明，我相信香港咁多有智慧嘅觀眾應該睇兩次，因為我自己都要睇兩次。」
至於伍姑娘在劇中飾演一個有情緒病的都市女性，而兒子（岑珈其飾演）則患有絕症，伍姑娘大讚劇本寫得好，但她的角色是較難處理，她指導演向她表示，就是要她放下自己的包袱去演繹這個角色：「我覺得都幾好玩，活到92歲呢啲年紀，都仲有人搵；其實喺唔同嘅平台，或者唔同嘅班底，都有唔同嘅演繹，可能要做到好露骨，如果唔係啲觀眾會唔知㗎，但係呢個團隊係唔使，佢哋認為有需要先要。」談及這個角色很沉重，會否抽離不到？伍姑娘即笑說：「唔會，我做咗90幾年演員，我冇乜試過抽離唔到，同埋我份人好樂觀。」
今次是否算是首次為ViuTV拍劇？早在2013年已與無綫完約的伍姑娘說：「呢個問題好尷尬，應該咁講， ViuTV係買咗呢套劇，我係幫保怡間公司拍，其實幫邊個平台都冇所謂。」對收視有沒有信心？她說：「其實唔止呢圖套，第二啲平台嘅電視劇都喺大陸播咗，然後先喺香港播，所以都會有呢啲事情發生，只要劇本好，好多人都會重睇。」
此外，提到衛詩雅5個月前在北海道滑雪時發生意外，導致左腳骨裂，她表示事發後2、3個月，照CT（電腦掃描）時才發現是斷腳骨，現時需要其他治療方法：「近排疫情好啲，有部電影提早7月開，導演好緊張問我點，因為我喺戲裏面要跳鋼管舞。」
採訪：黃曉妍
攝影：仇志德、葉君海
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
