掃呢頁CODE去手機

2020年5月6日 星期三

《愛.回家之開心速遞》:呂慧儀獲張景淳獻花 點解得湯盈盈起哄? #呂慧儀 #張景淳 #湯盈盈

一齊慶祝母親節。藝人呂慧儀(阿蟹)、湯盈盈、劉丹、滕麗名、張景淳、單立文等人,在將軍澳電視城出席處境劇《愛·回家之開心速遞》的慶祝母親節「報答我好媽」 ...




一齊慶祝母親節。


藝人呂慧儀(阿蟹)、湯盈盈、劉丹、滕麗名、張景淳、單立文等人,在將軍澳電視城出席處境劇《愛·回家之開心速遞》的慶祝母親節「報答我好媽」活動。期間周嘉洛幫劇中媽媽滕麗名按摩及扮櫈坐,而陳浚霆、袁文傑等人玩遊戲時又反串扮媽媽,造型搞笑。


阿蟹及盈盈一同受訪,談到活動安排男演員向拍檔獻花,張景淳向阿蟹獻花時,除了盈盈外,大家都很有默契地未有特別起哄,似乎不想兩人緋聞再現?她說:「大家不嬲都好錫我,同埋佢哋驚撩起我,我玩起上嚟就唔係人咁品,本來仲想叫張景淳扮女人㗎,但因為等陣要開工,所以費事影響進度。」


講到母親節將至,問到怎樣慶祝?盈盈開心「禁聚令」將放寬食肆至8人一枱:「因為我屋企4個人,計埋我爸媽同老爺奶奶就啱啱好8個,所以希望星期六食飯嗰日可以放寬到,因為我星期日要開工,如果唔係要分枱坐。」她希望兩女可以學識按摩,母親節幫她按摩:「細女識幫我捏頸,大女就未識,希望家樂(老公錢嘉樂)可以教吓佢,到時就可以4手按摩,家樂就負責餵我食提子,等我好似皇帝咁。(兩個女仲會唔會送禮?)未知呀,不過佢哋攬攬錫錫都已經夠。(咁嘉樂會唔會有表示?)唔知呀,佢往年都冇。」阿蟹即笑言因爲學校停課:「小朋友冇得喺學校做母親節禮物,所以啲爸爸要注意吓。」


阿蟹亦開心透露仔仔送了一個自製的橙色手袋,給她作為母親節禮物:「佢仲好似啲Designer咁,要我攞住個袋行Catwalk畀佢睇,好彩佢都滿意,其實我都覺得窩心,佢叫我一定要帶埋個袋返工。」問到預備了甚麼母親節禮物送給媽媽?盈盈表示媽媽亦即將生日,故會送細煲及買蛋糕給媽媽,而阿蟹則表示買了兩隻智能手錶:「一隻送畀媽咪,幫佢Check住心跳、血壓,另一隻就畀我用嚟學教媽咪用。」



來源 source: http://hk.on.cc
鍾意就快D Share啦!