許芯悅在活動上表示遭到人身攻擊爆喊，莊思明隔空回應：「我先係受害者…」
藝人許芯悅（Katie）出席帶貨王活動，甫開始時表現如常：「因自己做開網上直播，對網上帶貨冇難度，而且都是賣面膜、消毒產品嘅日用品…」
但當提到東網日前爆她與莊思明及其男友楊明拍戲期間，莊思明刻意貼身監場，以免有人「埋楊明身」，她即突然耷低頭兼手震，激沉默30秒後哽咽說：「我唔可以講太多， 尋日出咗報道之後，收到message係咁鬧我，唔想受人哋人身攻擊、侮辱、詛咒我！（咩人？）有一個人，唔想提佢。」問因此事不開心？她全程爆喊謂：「尋日喊咗好耐，今朝七、八點就醒咗，我瞓唔到，一路喊……」
問有人恐嚇她？此時她突然全身發抖，哭着說：「我唔可以講太多。（會報警？）暫時未諗到，佢都係鬧我，未到恐嚇。（點解唔報警？）我唔清楚、唔知道。」當再追問下去時，她喊得更厲害：「有人叫我唔好講呀！但點解事實唔可以講？我只係答咗幾句咋嘛，就咁樣？」
許芯悅指對方傳了很多段長篇短訊給她，問可想跟對方講清楚？她說：「我覺得人與人之間最需要嘅係尊重！（依家驚見到佢？）要到時先知。（會避開佢？）我覺得唔係個個都會將自己畀人鬧嘅message畀記者睇，去令到自己可以上到C1（娛樂頭版），因為C1唔係最重要，錢都唔係最重要，就算矮做model都唔代表人格差！」
問要為自己平反？她繼續喊：「我覺得如果冇發生過一次或以上，都唔會畀人咁講囉！」問是指對方做過的行為？她只是點頭。而家人亦知她不開心，並說：「我都有畀message佢哋睇，佢哋好心痛。」問可會找楊明擺平事件？她即說：「我冇佢任何嘅聯絡方式。」由於已經拍完戲，問做宣傳時可會避開？她就謂不知何時做宣傳。
對於許芯悅在活動上爆喊指受到侮辱，莊思明回覆東網時說：「佢呢頭喺我哋個電影群組度同我、阿楊講晒對唔住，又話抱歉兩位，估唔到報道會出嚟咁樣，依家出嚟見記者又話受侮辱，其實佢係咪有精神分裂？佢係咪靠老屈嚟呃飯食！好似我先係受害者喎！」
另外，面對許芯悅在活動爆喊指遭到人身攻擊，莊思明再於社交網發文，強調「公道自在人心」，唔想畀人屈：「預咗啲講開大話嘅人係唔會咁容易收手㗎你要繼續老屈作故仔搏見報你咪繼續囉，公道自在人心！我又唔知你係邊個，同你講多都嘥氣#我係受害者都未喊#人在做天在看#你想利用我到幾時#係唔係唔作故仔唔屈人就冇得見報呀」。
之後，莊思明再在社交網發功，展開狙擊：「其實佢都幾好笑＃想笑死我＃有個小丑氹自己開心都幾幸福呀＃你再講大話小心變咗木偶鼻」。
來源 source: http://hk.on.cc
|
鍾意就快D Share啦！
|
|
|