路芙、邱芷薇及許芯悅等今晚出席荃灣舉行的網上直銷比賽頒獎禮，擁34C身材的許芯悅早前與楊明合作拍電影演情侶，而楊明女友莊思明同樣有份參演，但傳出思明於片場似想表明「正印」身份，謝絕楊明接觸自己及家姐莊思敏以外的女演員，每當許芯悦與楊明有對手戲時，思明便「監場」，事後許芯悦回應傳媒查詢直認被思明凌厲眼神嚇親。
今晚當再被問及此事時，許芯悦先低頭不語近半分鐘，突然情緒波動說：「我唔可以講任何嘢，出咗報道後，我收到一啲短訊係咁鬥我，我唔想再俾人人身攻擊、侮辱我、詛咒我。」她不肯透露發訊息者是誰，只表示昨晚喊到深夜，今早7、8點起身便睡不着，她說：「我又唔可以講咁多。」問到會否報警？她手震顫抖說：「暫時未諗到，我好驚，其實係鬧我，未到恐嚇。」當問到會否因為對方跟警方友好而覺得報警冇用？她說：「唔清楚，唔知道。事實點解唔可以講？答幾句就咁。」
至於會否跟對方解釋，許芯悦覺得人與人之間最重要是尊重。現在會否好驚見到對方？她說：「到時先知。」她再激動說：「唔係個個都畀料記者上C1，C1唔係最重要，錢唔係最重要，就算係矮做model都唔代表人格差。」會否想為自己平反一下？她說：「我覺得冇發生一次以上，唔會有人咁講。（係咪指對方咁做，妳先咁回應傳媒？）係呀。」她表示有將訊息給家人看，他們都好心痛，最後問到會否找楊明釐清？她說：「我冇佢任何聯絡方式。」
許芯悦受訪時冇開名指發訊息者是誰，但另一面莊思明於在許芯悦受訪後於lG貼文：「預咗啲講開大話嘅人係唔會咁容易收手㗎你要繼續老屈作故仔博見報你咪繼續囉，公道自在人心！我又唔知你係邊位，同你講多都嘥氣 #我係受害者都未喊 #人在做天在看 #你想利用我到幾時 #係唔係唔作故仔唔屈人就冇得見報呀」
另外，路芙在疫情下工作近乎零，她表示先後寄出20份求職信，全都沒成功，包括樹藝師工作，但被指年紀大擔心爬樹風險高，另外文職工作又指她曾是電台高層，未敢聘請。最後她學習怎樣經營網上直銷及參加今次比賽，她希望持續做網上直銷，因為享受在家工作，雖然收入不及以往DJ及司儀工作，但足夠三餐飽肚。對於演藝界獲政府提供防疫抗疫基金資助不足，她直言業界也沒有甚麼受惠，反而業内成立團體組織自救，她至今收到一次演藝人協會補助。
-----------------------------
【Ali x reenex膠原自生】合力革新美肌常規，學識reenex女子力學，自生膠原BB，肌膚彈滑Effortless：http://bit.ly/Alixreenex_facial
來源 source: http://hk.appledaily.com
|
鍾意就快D Share啦！
|
|
|