視后李佳芯（Ali）早前被東網踢爆，本被安排於下月開拍靈異劇《靈戲逼人》扮演女鬼與張振朗譜人鬼戀，不過忙於錄影清談節目嘅佢，最終以健康理由辭演。日前接受無綫娛樂台訪問，佢終於親自解釋辭演原因：「始終之前都有前科喇身體，每一次開完一套劇，都畀自己好大壓力，係真嘅。所以無論情緒、狀態、身體都好容易有毛病。」不過Ali都坦言好想演女鬼：「好得意，初初我聽到做女鬼，都覺得『咦？真係未做過女鬼！』之前做完機械人，如果有啲另類啲嘅角色都會想試。」
可惜Ali無法接拍，因為身體已經響起警鐘，公司亦理解佢苦衷：「隨時影響身體、影響拍攝、進度，好難要人哋吓吓就到你。所以都同公司傾過，驚我負擔唔到。我一直有睇中醫休養身體，中醫建議我盡量唔好捱夜。我都有做針灸，但都係無法彌補直踩拍劇對身體帶嚟嘅傷害。有啲劇組就真係要24小時直踩兩、三個月，咁吃力嘅時候，我擔心我身體負擔唔到，我想平衡啲囉！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
