2014年7月31日 星期四

周子揚轟趙哲妤 「佢冇資格講我同傲兒」 周子揚,趙哲妤,熱門,




周子揚轟趙哲妤 「佢冇資格講我同傲兒」







寸何傲兒貪錢博宣傳 趙哲妤:畀人搶咗條仔

何傲兒和周子揚日前因被本報拍下車廂激咀,其後周子揚承認「兒子戀」,還對女友讚不絕口。不過昨日有周刊報道指,周子揚的感情狀況「七國咁亂」,事關他早前找趙哲妤拍MV,雖然聲稱兩人只是好友,不過趙哲妤被問「兒子戀」的時候,口快快說「有人搶我條仔」,接着更暗寸有人借激咀做宣傳博出位,還稱與周子揚屬青梅竹馬,與雙方家長見過面。



■周子揚稱只邀請趙哲妤拍MV,大家從來未拍過拖,屬普通朋友。

微博圖片

「希望佢尊重人哋」

昨日向周子揚求證此事,他直言與趙哲妤從來只是普通朋友,並說:「我哋只不過係識咗幾年,好奇怪同好突然佢會咁講,好似講到我好花心劈腿,傲兒又好拜金,唔係囉,我只係搵佢拍MV,其他唔係事實,希望佢尊重人哋,佢冇資格講我同傲兒,我又冇追過佢,亦都冇開始過,作為普通朋友,唔應該咁樣講人哋!」提到見家長,他續說:「梗係冇喇,只不過係佢想買樓,我哋做地產嘅,咪畀啲意見佢!」身在馬尼拉工作的趙哲妤,昨日亦透過WhatsApp回應此事,她否認與周子揚拍拖,並說:「我哋只係喺MV入面拍過拖,只係朋友,冇發展空間,唔明點解會有人咁寫!」



■周子揚與何傲兒拍拖不久,但已即傳男方與趙哲妤拍拖,認真複雜。

資料圖片



■周子揚因被本報拍下車廂激咀而令兒子戀曝光。資料圖片

此外,「大少」林建名孻女林煒珽昨晚在中環出席時裝活動,提到父親早前為何傲兒當眾落淚,她笑言:「我喺現場,唔係喊,係畀閃光燈閃親。」對於何傲兒與周子揚拍拖一事,她表示:「佢哋拍咗拖好耐,傲兒之前有同我講過。」有指何傲兒專識有錢人,她表示:「應該唔係啩,我冇見過呢樣嘢。」

採訪:羅慧敏



鍾意就快D Share啦!
Related Posts Plugin for WordPress, Blogger...