湯唯喺 10年前拍電影《晚秋》認識金泰勇， 12年已有報導指湯唯同金泰勇交往，同年湯唯就喺韓國買地，證明佢當時已有打算喺韓國落地生根。
全知言
新婚湯唯 13億買韓地
34歲湯唯月初同韓國導演男友金泰勇發聲明訂婚，同時公布婚期係今年 10月，不過偷拍過唔少韓星拍拖嘅韓國 Dispatch網喺上星期踢爆湯唯同金泰勇其實早喺今個月 13號，已喺瑞典一間農莊舉行婚禮。瑞典藝人 Jonas Holmberg亦喺 twitter留言：「在 Andreas家的小屋裏為舉辦婚禮的湯唯和金泰勇演奏了音樂。」佢同時 po咗張疑似婚禮現場嘅相上 twitter，不過相中只見坐滿了賓客，枱上擺了紅酒和蠟燭台，反而一對新人就冇入鏡。
湯唯新婚甜蜜蜜，喺韓國大把線嘅全知言，仲八到湯唯其實早喺前年已經喺首爾買地準備落地生根。全知言發現湯唯喺 12年 7月，花咗 13億 5千韓圜（約港幣 9百多萬）喺京畿道城南市盆唐區買入一幅 486平方米（等如 5千 4百呎）地皮起獨立屋，而地皮現正趕工。如果湯唯真係好似傳聞咁話佢有咗 B，咁佢哋一家三口可能出年就有新屋住喇。
|
鍾意就快D Share啦！
|
|
|
