掃呢頁CODE去手機

2016年5月26日 星期四

冇黎明接濟 衞蘭 cut cost揸殘車 [壹週刊 - 1368] __,衞蘭,黎明,M1,

Janice出街執都唔執吓,街坊到呢!娛樂偵訊冇黎明接濟 衞蘭cutcost揸殘車曾經是老細眼中識生金蛋的衞蘭,同黎明結束12年賓主關係,為了讓孖生細妹衞詩有機會再出碟,不惜自降身價,說掂華納唱片,一同將兩姊妹收歸旗下。一個搵錢兩個人分,加上轉會後收入大不如前,Janice甚至連自己第一架dreamcar寶馬都要放棄,改揸待劏級別的萬事得錢七。日前,錢七電池打柴,身形keep住電單車的Janice ...


Janice出街執都唔執吓,街坊到呢!

娛樂偵訊

冇黎明接濟 衞蘭 cut cost揸殘車

曾經是老細眼中識生金蛋的衞蘭,同黎明結束 12年賓主關係,為了讓孖生細妹衞詩有機會再出碟,不惜自降身價,說掂華納唱片,一同將兩姊妹收歸旗下。

一個搵錢兩個人分,加上轉會後收入大不如前, Janice甚至連自己第一架 dream car寶馬都要放棄,改揸待劏級別的萬事得錢七。日前,錢七電池打柴,身形 keep住電單車的 Janice,披頭散髮衝入北角油街附近的呔鈴鋪求救,搞足成個鐘,架車先郁得番,一額汗!

電池打柴

近幾年,衞蘭對於自己的外形一直採取放任態度,口講話要搣甩部電單車,改以單車為目標,實質是邁向同坦克車睇齊,好大鑊!

磅數有上冇落,但工作量則相反的衞蘭,過檔華納後亦無甚起色。日前,記者發現肥腫難分的衞蘭,與衞詩現身北角油街,兩姊妹素顏街坊打扮,冇人認得出。衞詩離開後,衞蘭兜圈再兜圈,終於走入一間呔鈴鋪,指手畫腳一輪,再急急腳行去附近的櫃員機撳錢,然後又折返呔鈴鋪,會合店員行去 AIA大廈停車場。

一三年考獲車牌後,豪擲五十萬買下 dream car寶馬 X3,但現場所見,出入代步的 BMW,已改由車齡至少有十五年的錢七萬事得 Premacy取代。因為錢七的電池玩完,呔鈴鋪職員捧住嚿全新電池,跟衞蘭去停車場換。

「架車咁舊,嚿電池打柴有幾咁出奇呀,呢啲小兒科啦,六百蚊搞得掂!」呔鈴鋪的職員說。

13年底成功考獲車牌後, Janice一擲 50萬買下寶馬 dream car。

電池打柴,皮帶有響聲, Janice愈窮愈見鬼。

換完電池,衞蘭揸車離開,但皮帶響聲不斷,超過 15年車齡錢七,五癆七傷。

離開呔鈴鋪時遇上途人,素顏的 Janice下意識用手遮面。

去附近銀行撳錢找數。

緊縮開支

由黎明一手捧紅的衞蘭,老細登台開騷,一定有份,更一度愈住愈豪,由郝德傑道低密度住宅,搬去月租四萬的九龍塘畢架山一號。直至年前拍板同老細「分手」,遲遲未泊到新碼頭的衞蘭,焗住搬到比九龍塘平租的大圍福來別墅。

今非昔比,為了讓衞詩有機會再出碟,衞蘭不惜割價氹華納唱片簽埋胞妹,但撞啱市道差,登台走埠買少見少,一個搵兩個使,經濟有壓力,生活開支,縮得就縮。

「養架寶馬皮費唔輕㗎,淨係油錢都唔嘢小,阿 Jill(衞詩)又冇咩收入, Janice焗住換架殘車,慳番啲錢!」一名與衞蘭相熟的教友說。

寶馬又好,錢七都好,衞蘭都要面對現實。

衞蘭、衞詩兩姊妹一樣,都係肥腫難分。

堅持幫衞詩(左)再圓歌手夢的 Janice,自降身價成功得華納接收兩姊妹。

成日話修身變單車的 Janice,開始向坦克車進發。

撰文、攝影、攝錄:娛樂組


鍾意就快D Share啦!