24萬 8千勞力士
娛樂偵訊
放假箍牙 許亦妮掃貨示威
2011年港姐季軍許亦妮去年續約獅子開大口，一度被大台放入雪櫃，其後雖獲解凍，但自恃有個富貴男友撐腰的她，卻不甘被降呢，在《潮流教主》做大茄，早前竟以箍牙做藉口，向公司請假半年，專心拍拖。放假做黐身膏藥，但許亦妮依然失手，男友公然在夜場食索女，話之你！
有恃無恐
27歲的許亦妮，年前撻着太陽娛樂老闆洗米華愛將盧啟邦，有機會撈過界，孭正男友公司投資的電影《喜愛夜蒲 3》做女一，以為就此大把世界，跟無綫續約時大頭症發作，獅子開大口。
「 Witney（許亦妮）以為有戲拍就好巴閉，加上當時男友又錫佢，更加有恃無恐，傾續約講條件仲要拍晒枱發脾氣，跟住咪俾公司掟入雪櫃大半年。」知情者說。
之後大台特赦，安排她拍《潮流教主》，但許亦妮又唔多高興，拍完《潮》劇，便以箍牙為理由，向公司請假半年。
「佢喺《潮流教主》戲份唔多， Witney已經好唔 like，之後又冇劇開，佢知公司唔重用自己，咪索性放假囉！」
戴金勞掃貨
唔開工做跟得女友的許亦妮，日前孖住男友蒲夜店，點知男友老實不客氣，趁她行開，即攬啜一名索女，當場發現的許亦妮，即時發老脾，事後卻死撐肥仔是普通朋友。
雖然男友曳曳，但提供物質生活，功可補過。
有男友開水喉照顧，許亦妮唔使睇大台面色。
上週五（五月二十日）下午，箍牙停工的許亦妮著住超短牛仔褲，晒腳露股行圓方，手戴二十四萬八千金勞的她，先在眼鏡店試太陽眼鏡，半粒鐘掃走三副；之後再去超巿買菜買肉，返屋企玩煮飯仔。
校啱司機車到時間，才慢慢行去門口上車。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
