阿佘馬國明求分一夜大起大落
無綫繼兩年前製作微電影《愛情來的時候》，今年再接再厲走遍德國、台灣實景拍攝，邀來佘詩曼、馬國明、黃翠如、周柏豪等孭飛的網絡電影《愛情來的時候2》，除了延續上集阿佘及馬國明的「女尊男卑」愛情故事外，亦加入翠如、周柏豪及黃浩然一段以「嫁個有錢人」為目標的戀愛。為隆重其事，無綫已安排兩個故事分別於本月28日（德國篇）及下月4日（台灣篇）連續兩個星期六於myTV SUPER打頭陣獨家點播，由一眾男神、女神帶領你進入浪漫愛情世界！
視后功架 一Take過
於「德國篇」中，承接《愛》首輯佘詩曼與馬國明一段女上司與男下屬拍拖的背景，今集甫開始便講述二人已拍拖一年，並雙雙飛德國公幹，寓工作於戀愛，惟馬國明漸漸發現與阿佘在公在私也有很大距離，故決定結束浪漫之旅後忍痛分手，幸最終二人也排除萬難大團圓結局。
監製陳旭亮透露大部分戲份於德國法蘭克福拍攝，因該處市中心儼如香港金融中心，市郊也有不少特色古堡及懷舊地方，完全配合想表達的童話式故事。當中一場馬國明向阿佘提出分手的戲，阿佘由滿心雀躍誤以為獲求婚，到後來質問是否有第三者，鬧至傷心流淚、不歡而散的演繹，情緒投入，連一滴眼淚都有戲味，監製都忍不住畀Like：「嗰場戲係到埗第二晚拍，阿佘好戲係公認，由情緒高漲突然跌落深淵都一氣呵成，一Take過，冇NG，完全展現視后功架！」阿佘笑不攏嘴說：「多謝咁讚我，代入角色都覺得好可悲，大起大落一晚，扮靚等求婚，點知要同我分手，拍嗰時冇諗過幾Take過，但就培養咗成日，日頭拍好甜蜜，夜晚就拍好慘，情緒起伏好大。」曾修讀德語的阿佘於片中有以德語傾生意的對白，但她笑指已忘記得一乾二淨，僅記得簡單問候語句，故拍攝時要翻譯指導。至於另一場於火車軌拍攝的場面，沒料突然有火車迎面開來，嚇得她及攝製隊九秒九速閃，阿佘笑說：「我當時拍拎住行李，嗰下真係好驚架車衝過嚟，閃晒燈又響埋警報咁，但依家諗番又幾得意。」
火車軌戲 終於遇上
而馬國明拍攝講述分手後於火車站回憶甜蜜片段的戲時，因現場人來人往兼嘈吵，他未受環境影響，演繹出失落的深情，不過在他眼中，最難忘的卻是於火車軌求阿佘原諒的戲，他說：「細個時睇過日本電影好浪漫，喺火車站男女主角一人一邊重遇，喺香港拍劇一直冇遇上，所以嗰場戲完全湧現晒啲感覺出嚟，同埋又有機會揸架過百萬嘅Dream Car同阿佘拍拖，滿足晒啲願望，美中不足係同阿佘冇一個完美Kiss作為結局囉！」
|
鍾意就快D Share啦！
|
|
|
