二人拍拖半年，有指劉佩玥棄伍允龍轉追 Bosco，不過今次出招冇成績。
娛樂偵訊
飛伍允龍 攻黃宗澤 劉佩玥大想頭
黃宗澤跟胡杏兒甩拖後，感情生活多姿多采！同大自己八年的楊崢姐姐啜爆，但三個月戀情見光死；今年三月，傳出同合作廣告的日模 Jun發展異地戀，不過 Bosco卻堅稱二人只在了解中。
未有認愛，竟引來劉佩玥信以為真！二人早前合作新劇《幕後玩家》，主動的劉佩玥飛甩伍允龍，轉軚狂攻大台筍盤黃宗澤。
生吞檸檬
無綫新劇《幕後玩家》日前在西貢搞煞科宴，一班演員包括黃宗澤、張繼聰、蕭正楠及龔嘉欣等都有出席，不過在劇中飾演黃宗澤情人的劉佩玥卻一早報定案，聲稱放假離港冇蒲頭。
據知，劉佩玥是有計劃地缺席。
「阿 Moon（劉佩玥）埋位拍《幕後玩家》嗰段時間，好多人都睇得出佢對 Bosco好唔同，成日主動借啲意黐埋去傾偈。不過 Bosco就擺明唔受，就算明知對方有意思， Bosco埋完位就彈開，唔想俾機會對方有任何幻想。 Bosco仲試過喺其他人面前話佢做戲唔夠專心，又勸佢睇熟啲劇本，咁決絕，其實係想俾 signal佢，叫劉佩玥死咗條心。」劇組工作人員透露。
放風分手
劉佩玥為打動黃宗澤，甚至公開已和拍拖數月的伍允龍分手，回復單身。
「雖然佢喺大家面前認咗同伍允龍分手，但我哋見佢成日笑笑口心情好好咁，最初都懷疑佢只係扮嘢，後來先知阿 Moon係刻意想俾大家知佢冇拍拖，因為佢覺得釐清關係後， Bosco可能會考慮，如果成事，佢亦唔會俾人唱係一腳踏兩船。
「阿 Moon同伍允龍都係好自然嘅事，事關早排伍允龍有幾個月飛咗去美國開工拍戲，兩個人冇乜機會見面，感情就會淡。」知情者說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
