掃呢頁CODE去手機

2016年5月26日 星期四

宣萱使唔使咁絕呀! 花姨發花癲 [壹週刊 - 1368] __,花姨,宣萱,宫雪花,M1,

件熒光橙外套拉鏈同條褲都襯晒色外,宣萱竟然仲用埋個同色系包包,絕!同你吟一吟宣萱使唔使咁絕呀! 花姨發花癲衣著打扮,講場合,睇心情,但最主要,係個人喜好。例如望七嘅宮雪花,鍾意著到花喱碌,仲要插多朵花响頭,先夠皮!好娘?都係㗎!但花姨勝在統一又穩定,唔似得後生佢廿幾年嘅宣萱,唔聲唔聲,嚇你一驚。早個禮拜,下晝放工時間,《壹》仔喺中環皇后大道中見到全副運動裝備嘅宣萱,揸住杯凍飲,邊啜邊行邊講電話。有 ...


件熒光橙外套拉鏈同條褲都襯晒色外,宣萱竟然仲用埋個同色系包包,絕!

同你吟一吟

宣萱使唔使咁絕呀! 花姨發花癲

衣著打扮,講場合,睇心情,但最主要,係個人喜好。例如望七嘅宮雪花,鍾意著到花喱碌,仲要插多朵花响頭,先夠皮!

好娘?都係㗎!但花姨勝在統一又穩定,唔似得後生佢廿幾年嘅宣萱,唔聲唔聲,嚇你一驚。

早個禮拜,下晝放工時間,《壹》仔喺中環皇后大道中見到全副運動裝備嘅宣萱,揸住杯凍飲,邊啜邊行邊講電話。

有運動,比舊年瘦咗嘅宣萱短褲晒腳,整體 keep得唔錯,差在對髀粗咗啲!之不過,八珍對佢身上嘅熒光橙撞熒光紅就有少少意見,都算嘞!更絕係佢竟然有本事,搵到個袋又係成支橙汁雪條咁。

襯成咁,好似 over咗喎!

快快手啜晒杯凍飲嘅宣萱,小腿 OK,但對大髀啲肉就多咗。

撞到朋友,停低傾咗陣。

68歲花姨,同時下後生一樣,行住篤手機。

衫同手袋已經花碌碌外,連頭都插朵花,花姨簡直發花癲。

撰文:八珍


鍾意就快D Share啦!