掃呢頁CODE去手機

2016年5月26日 星期四

餵人奶唔修身 官恩娜搓胸紓緩 [壹週刊 - 1368] __,官恩娜,M1,

官恩娜要盡母親天職,餵人奶俾BB,就算暫時放棄工作都在所不計。娛樂偵訊餵人奶唔修身 官恩娜搓胸紓緩官恩娜(Ella)去年十月生完囝囝Gabriel(bébéG)後,除偶然在社交網站發吓自己同BB的近照,一直未有公開露面。據知,Ella的經理人公司一直希望她可以盡快復出接job,但自從做了媽咪,Ella一切都以個仔為先,更加堅持要餵母乳,所以產後半年,依然未修身,身形仍然好似未生一樣,虎背熊腰大肚腩 ...


官恩娜要盡母親天職,餵人奶俾 BB,就算暫時放棄工作都在所不計。

娛樂偵訊

餵人奶唔修身 官恩娜搓胸紓緩

官恩娜( Ella)去年十月生完囝囝 Gabriel( bébé G)後,除偶然在社交網站發吓自己同 BB的近照,一直未有公開露面。

據知, Ella的經理人公司一直希望她可以盡快復出接 job,但自從做了媽咪, Ella一切都以個仔為先,更加堅持要餵母乳,所以產後半年,依然未修身,身形仍然好似未生一樣,虎背熊腰大肚腩,

通通留低。

復出無期

囝囝 Gabriel( bébé G)出世,官恩娜向公司華納唱片請假三個月,專心坐月和湊 B。以為三個月後她會復工接 job,點知生 B後, Ella變成緊張媽,一步都唔捨得離開囝囝;加上堅持要俾最好嘅營養 BB,所以選擇餵母乳,被迫將復出計劃,一推再推。

「估唔到 Ella啲母性咁強,而家所有事都係先考慮個仔,因為佢餵人奶,所以呢段時間要 keep住食啲好有營養嘅嘢,同埋亦唔可以減肥,生咗咁耐,佢都未修身!」 Ella身邊人說。

同朋友講起餵人奶,官恩娜更即場示範搓胸方法。

著住鬆身裙的 Ella,睇落個款仍然似大肚婆。

從背面同側面睇, Ella的身形十分厚切,啖啖肉。

同未生一樣

上星期, Ella帶埋 bébé G同朋友去香港仔海怡工貿 Tree Cafe下午茶。現場所見, Ella身形依然脹爆,就算著住鬆身裙加牛仔褸,都遮唔住身上肥肉,尤其係個肚,驟眼看,以為她仍佗住 BB,比起未大肚前,至少大了三個碼。

其間, Ella同朋友講起餵人奶問題,更肉緊到當眾用手搓了自己個胸幾下!

之後她發現記者,大方 Ella有問必答,「依家餵人奶所以會比較忙少少,不過 BB好乖,同埋佢都幾重,(會唔會追多個女?)未諗呀。」

官恩娜去年二月與中法混血醫生 Juan Domingo Maurellet結婚,同年十月就生了囝囝 bébé G。

雖然 body仲未見得人,但唱片公司好心急想 Ella復出,日前要她先錄音,等她一減完肥就見人。

佗 B時期, Ella身形暴脹,巨肚脹達四十五吋,體重升至近百五磅,大肚期間更走去玩划艇運動。

撰文、攝影、攝錄:娛樂組


鍾意就快D Share啦!