2016年6月23日 星期四

被飛到怕唔敢再逼婚 胡定欣靠杏兒夫婦谷姻緣 [壹週刊 - 1372] __,杏兒,胡定欣,定欣,胡杏兒,M1,

娛樂偵訊被飛到怕唔敢再逼婚 胡定欣靠杏兒夫婦谷姻緣胡定欣自從同Band佬Terry(陳明道)拍拖後,即努力戒甩港女性格,希望可以好似好姊妹胡杏兒胡蓓蔚等,做幸福人妻。曾許下35歲前出嫁目標,但距離期限不夠三個月(9/9生日),要達標,天方夜譚!不過,胡定欣冇放棄,還經常帶埋男友拍拖出席好姊妹夫妻聚會,藉此提起男友有結婚衝動,催谷姻緣。戒港女性格拍拖一年半,胡定欣早已視四十六歲男友Terry為結婚對 ...


娛樂偵訊

被飛到怕唔敢再逼婚 胡定欣靠杏兒夫婦谷姻緣

胡定欣自從同 Band佬 Terry(陳明道)拍拖後,即努力戒甩港女性格,希望可以好似好姊妹胡杏兒胡蓓蔚等,做幸福人妻。曾許下 35歲前出嫁目標,但距離期限不夠三個月( 9/9生日),要達標,天方夜譚!

不過,胡定欣冇放棄,還經常帶埋男友拍拖出席好姊妹夫妻聚會,藉此提起男友有結婚衝動,催谷姻緣。

戒港女性格

拍拖一年半,胡定欣早已視四十六歲男友 Terry為結婚對象,更打定底,斥資七百萬在屯門買入一個千二呎單位,準備作為婚後新居。可惜, Terry浪子性格,拍拖至今,都未有結婚打算。

之前經歷過被吳浩康、馬國明和設計師沈栢淳拋棄,痛定思痛的胡定欣今次改變作風,凡事寬鬆處理,免得男友受壓,又離她而去。唔想再做「棄婦」,胡定欣甚至搵埋班姊妹,幫手諗計。

「定欣好清楚 Terry性格,如果夾硬逼婚,只會同之前 Patt(沈栢淳)嘅結果一樣,都係分手收場。所以同啲姊妹商量過後,決定製造多啲機會,俾 Terry自己去感受婚姻生活,係可以有幾甜蜜同開心,久而久之,佢就唔會再抗拒結婚。」胡定欣身邊人說。

近年胡定欣性格大變,唔再有港女性格,喺男友面前變成少女,又一齊玩自拍。

見到有記者影相,胡定欣難得笑晒,又打招呼。

有豹哥豹嫂在場,製造不少歡樂氣氛。

在刨冰鋪 hea了一個鐘,胡定欣同男友一齊返歸。

豹哥豹嫂撥火

定好方案,胡定欣按計劃執行,只要有活動,都盡量安排男友一齊出席,等 Terry可以親自去感覺一下,夫妻間的融洽氣氛。早個禮拜,胡定欣同 Terry,加埋胡杏兒和老公 Phil、豹哥(單立文)和豹嫂(胡蓓蔚),三 pair人一齊食飯,之後再去楊秀惠新開的刨冰店食甜品。

平時笑容唔多,個樣 cool爆的胡定欣,男友在旁,即刻平易近人得多。其間,胡定欣要男友一齊攞住刨冰玩自拍,跟住又孖份食一個士多啤梨刨冰,你一啖我一啖,超溫馨!同黨豹哥豹嫂亦吼準時機,從旁推波助瀾。

積極操 fit身形的胡定欣,早排同李施嬅及豹嫂去游水,更影了三點式泳衣相,大騷身材。

胡定欣經常帶男友出席姊妹聚會。

胡杏兒婚後,同老公愈來愈恩愛,難怪胡定欣要搵佢哋取經。

老公使計氹杏兒

至於仍處於新婚階段的胡杏兒同老公 Phil,因為杏兒蜜月後就投入工作周圍飛,所以更加珍惜共處時間,只要一有假期,就算得一日半日空檔,她都會飛返港陪老公,十分痴纏。

早已講明想生 B的 Phil,為配合老婆的工作進度,惟有將造人計劃一推再推。雖然 Phil願意遷就,但據知他跟胡定欣一樣,經常參加一些有小朋友的家庭活動,隔山打牛,等杏兒都感染吓,有仔女的歡樂,希望打動對方,提早進行生 B計劃。

因為剛剛簽了新公司,要搏殺多一段時間,杏兒惟有將生 B計劃押後進行。

杏兒同老公愈睇愈有夫妻相。

杏兒同老公都有去食刨冰,但就提早離開。

近期 Phil的 ig上有大量同小朋友的合照,每張相佢都笑到見牙唔見眼,成個恨仔樣出晒嚟。

轉戰飲食界

當晚杏兒、定欣和豹嫂等人專登留肚,去捧楊秀惠開的刨冰店。入行十二年,楊秀惠一直浮浮沉沉,去年拍完無綫劇《潮流教主》後冇晒影,大台不重用,楊秀惠決定轉型投資生意。

繼前年與家人合資代理開美容產品 That'so後,最近又與胞妹 Fiona合資百萬,於大坑施弼街開日式刨冰店,主打刨冰外,亦有咖啡及蛋糕等小食,價錢由 68元至 88元一杯,屬於中價消費。

力不到不為財,楊秀惠經常落鋪坐鎮,又搵了不少藝人朋友如蔡思貝、翟威廉等現身試食造勢,製造明星效應。

楊秀惠十分識做,見到有記者影相,即捧住大杯刨冰任影,兼請記者解暑。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...