42歲嘅蒙嘉慧(YoYo)，3年前做咗伊麵太後，不時閉關打機儲脂。一排唔見，上月中着住白Tee，牛仔工人短褲加白波鞋出席港台處境劇活動，少女打扮凸顯拜拜肉同穩健嘅下盤，難怪伊健嫂俾人話孕味濃。事後YoYo話睇到張相，都嚇咗幾跳，仲話唔可以俾自己再咁肥落去。原本佢一直唔俾自己重過120磅，點知一個唔覺意，體重升到126磅，足足比之前肥咗20磅。YoYo真係化悲憤為動力，勁做gym，仲留言話係認真mode。一個月唔夠，咦……有成績表喇！真係slim咗喎！噚日早上，鄭氏夫婦孖住去筲箕灣嘆早餐，就俾《蘋果》撞到正喇！10點左右，著短褲、波鞋嘅伊健，同索顏出動、身穿小背心，手臂幼番晒嘅鄭太齊齊去筲箕灣東大街，賣牛腩賣到出晒名嘅麵檔食嘢，伊健仲攞埋保温壺自備飲品。兩公婆胃口都好好，除咗一人叫一碗米粉，仲叫多碟多士兩份食。伊健雖然冇叫嘢飲，但對老婆真係服侍周到，超級廿四孝o架，除咗幫老婆遞嘢飲，食嘢前就連筷子都幫老婆抹乾淨埋，嘩，真係絕種好男人真人版呀！！！仲型過浩南哥囉！伊健同蒙嘉慧計埋拍拖，佢哋嘅感情已經超過十年，難得嘅係佢哋嘅「愛」唔單止冇俾時間沖淡，仲越來越恩愛，伊健亦冇以前咁收收埋埋，公開場合都會拖住老婆晒恩愛，真係so sweet！
來源 source: http://hk.apple.nextmedia.com
|
鍾意就快D Share啦！
|
|
|
