掃呢頁CODE去手機

2016年6月23日 星期四

隧道開槍催淚 城城硬食:好攞命! [壹週刊 - 1372] __,城城,郭富城,M1,

冇後天加眼藥水,單靠催淚彈,城城已經雙眼通紅,眼水不停流。娛樂偵訊隧道開槍催淚 城城硬食:好攞命!12年上畫的《寒戰》叫好叫座,下月暑假檔打頭陣的《寒戰2》加碼,有神級發哥孖住郭富城、梁家輝鬥戲外,動作部分集中在城城和台灣幫彭于晏、楊祐寧身上,加晒料。其中一場海底隧道內槍戰戲,密室發射過百子彈,嘈到耳鳴唔在講,城城仲要同催淚彈並存車廂做戲,令雙眼紅筋暴現,眼水、鼻水不停流,搞到城城嗌晒救命!搭景唔 ...


冇後天加眼藥水,單靠催淚彈,城城已經雙眼通紅,眼水不停流。

娛樂偵訊

隧道開槍催淚 城城硬食:好攞命!

12年上畫的《寒戰》叫好叫座,下月暑假檔打頭陣的《寒戰 2》加碼,有神級發哥孖住郭富城、梁家輝鬥戲外,動作部分集中在城城和台灣幫彭于晏、楊祐寧身上,加晒料。

其中一場海底隧道內槍戰戲,密室發射過百子彈,嘈到耳鳴唔在講,城城仲要同催淚彈並存車廂做戲,令雙眼紅筋暴現,眼水、鼻水不停流,搞到城城嗌晒救命!

搭景唔靠特效

海底隧道飛車加槍戰,是《寒戰 2》重頭戲,以現今的 CG技術,要「重建」隧道無難度,但導演為求現場感,選擇在觀塘舊巴士車廠搭建隧道進行拍攝。這幕長達數分鐘的槍戰,用超過百發子彈。

「很開心呀!我上一集都冇開過槍,今次第一日開工就可以開槍,好好玩,而且隧道景亦好真實。」有份參與槍戰戲的彭于晏說。

彭于晏叫過癮,但同場的城城就心力交瘁!

在搭建的隧道內拍戲,同密室冇分別,在這個環境下開槍,震耳欲聾,工作人員戴住工業耳罩保護,但演員連棉花塞耳都不可以, keep住耳鳴。

在場工作人員全副武裝出動毛巾、頭盔,可想而知,硬食催淚彈煙霧的城城有幾難受。

城城困車廂中,一車煙霧又要交戲,少啲意志力都唔得。

現場幕後工作人員全部要戴住工業耳罩開工。

所有動作場面,城城都親自上陣,拍呢場戲肯定辛苦過連開十二場演唱會。

拍完郭富城仍不停流眼水,導演陸劍青亦上前慰問。

主動要求重拍

最攞命,是一場講述城城的私家車被催淚彈擊中,他在車內與煙霧共存,就算幾攻鼻刺眼,仍要繼續做戲;拍完第一 take,城城雙眼現晒紅筋,眼水、鼻水失控長流。睇完 playback,城城嫌效果唔理想,主動向導演要求拍多次。

「催淚彈我真係未試過,究竟係點?睇紀錄片新聞片都唔會 feel到。今次終於領教到,身體反應例如流眼淚呀,各種狀態我哋都會營造出嚟,希望更逼真,所以都好辛苦,好攞命!」城城說。

首日埋位便要拍槍戰的彭于晏,興奮到不停同動作導演錢嘉樂研究揸槍姿勢。

拍地鐵站追逐場面,彭于晏事前先進行試戲。

同郭采潔分手多時的楊祐寧形象大轉變,在《寒戰 2》演悍匪,令人耳目一新。

撰文、攝影、攝錄:娛樂組


鍾意就快D Share啦!