F組大戰堅好睇，葡萄牙同匈牙利大演入球騷，匈牙利今仗堅有運2次省到人入波，3度領先葡萄牙；但C朗終於爆Seed，換邊後先用後腳入波，之後門前頂入，一腳一頭建功梅開二度，追成3:3完場，葡萄牙最後3戰3分，但冰島最後一刻贏奧地利2:1，葡萄牙僅以第3名出線，16強將鬥克羅地亞。
於開賽初段，葡萄牙靠拿尼於前場不斷奔跑製造威脅，不過葡軍未攞到甜頭，反而先失波，19分鐘，葡萄牙於自己禁區解圍不遠，匈牙利中場謝拉心口一控、左腳窩利割草式地波入網，為球隊打開紀錄。之後C朗得到2次射罰球機會，其中1球中龍，但就被匈軍門將基拿利飛身擋出。43分鐘，C朗畀個靚直線入禁區，拿尼走個靚位左腳抽近柱入網，追成1:1平手完上半場。
換邊後簡直高潮疊起，匈牙利迪素迪沙基主射罰球，省中人牆入網射成2:1，再次領先葡萄牙。但到50分鐘，葡萄牙右路發難出波，C朗入楔禁區，後腳射個波入網勁到爆，葡萄牙今場第2次扳平。但匈牙利堅有運，55分鐘迪素迪沙基又嚟料，左腳勁射省中拿尼隻腳飛咗入網，匈牙利領先3:2。63分鐘C朗嚟料，接應隊友斬中頂入，一腳一頭為葡萄牙追成3:3完場。
即去彩報Facebook專頁睇C朗入波片段！
http://bit.ly/1r2BOOF
劉浩龍 Vs 湯文亮
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出劉浩龍、財經名人隊由湯文亮壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
|
鍾意就快D Share啦！
|
|
|
