2016年6月23日 星期四

谷奶升 cup 陳茵媺擋不住的澎湃 [壹週刊 - 1372] __,茵媺,陳茵媺,M1,

流感肆虐,兩個囝囝齊齊中招,谷奶升cup的Aimee日前三拖二去中環睇醫生。娛樂偵訊谷奶升cup 陳茵媺擋不住的澎湃三年抱三的陳茵,終於得償所願,幫老公陳豪追到個女;不過仲未收得工,豪嫂講明繼續生。肚皮冇得抖,做阿媽更加全年無休。踏入流感高峰期,兩個寶貝仔同時中招!日前,豪嫂湊住大仔Aiden同細仔Nathan去中環睇醫生,同行仲有工人姐姐同保母,三個湊兩個,包冇甩拖!生完唔夠兩個月,陳茵身形已火 ...


流感肆虐,兩個囝囝齊齊中招,谷奶升 cup的 Aimee日前三拖二去中環睇醫生。

娛樂偵訊

谷奶升 cup 陳茵媺擋不住的澎湃

三年抱三的陳茵,終於得償所願,幫老公陳豪追到個女;不過仲未收得工,豪嫂講明繼續生。肚皮冇得抖,做阿媽更加全年無休。踏入流感高峰期,兩個寶貝仔同時中招!日前,豪嫂湊住大仔 Aiden同細仔 Nathan去中環睇醫生,同行仲有工人姐姐同保母,三個湊兩個,包冇甩拖!

生完唔夠兩個月,陳茵身形已火速回復原狀,谷奶令上圍更升級,就算著住鬆身 tee,依然若隱若現,好有睇頭!

抱到手軟

同兩個仔睇完醫生,陳茵媺一行五人步出有「醫生大廈」之稱的中環萬年大廈。事事謹慎的豪嫂 Aimee戴住口罩,抱住大仔 Aiden;食住奶嘴的細佬 Nathan,由保母抱住,勁瞓。

三大兩小企在馬路邊等車,四點幾,近放工時間塞車, Aimee抱到手攰,將 Aiden放落地,小朋友唔舒服特別扭計,只見 Aiden係咁攬住媽咪大髀,不停扭抱。不過 Aimee唔妥協,只係摸住囝囝個頭,不停安撫。七人車終於到, Aimee才再抱番起 Aiden上車。

著住鬆身 tee的 Aimee,一挺胸,好偉大呀!

細仔 Nathan食住奶嘴瞓覺, cute爆!

車到, Aimee先安頓好 Aiden坐上「私家座」。

隔離細女

細女 Camilla出世未夠兩個月, Aimee已經成功修身,肚皮平番,手腳亦開始消腫。因為餵人奶的關係, Aimee谷奶谷到上圍跳 cup,著住鬆身 tee,仍然十分澎拜。兩個仔唔舒服,避免交叉感染, Aimee自己長期戴住囗罩湊仔外,亦暫時將 B女隔離,以防被哥哥傳染。

「兩個仔感冒未清, BB女又得兩個月大,抵抗力較弱,傳染到就好麻煩。 Aimee餵人奶,所以一定要好小心,自己要長期戴住口罩,唔可以俾兩個囝囝傳染到。」知情者說。

陀住 Camilla時,大肚婆仍有出席珠寶活動搵快錢。

老婆三年抱三要全職湊仔,陳豪更加要密啲手拍劇賺奶粉錢。

終於成功追到女,出院時,陳豪攬住 Aimee狂錫。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...