myTV SUPER用戶突破50萬
無綫myTV SUPER自4月18日正式推出以來，短短三個月已售出超過20萬個機頂盒，加上myTV SUPER手機應用程式，用戶合共已超過50萬，覆蓋之廣，滲透之快，足見全城熱捧！無綫貴為巴西奧運香港獨家轉播機構，亦為觀眾帶來前所未有的奧運新睇法！只需登入「奧運專區」即可隨時隨地點播42個奧運項目，幾時睇、邊度睇、睇啲乜，完全自己話事，讓觀眾全面自主收睇屬於自己的「里約奧運」，從此不再是奧運約你，而是「你約奧運」！
史上首個於南美舉行的奧運，上周六正式展開！無綫貴為香港獨家轉播機構亦為奧運帶來全新睇法！除透過myTV SUPER設立八條頻道，將精彩賽事帶給觀眾外，更特設「奧運專區」提供42個奧運比賽項目，供用戶隨時隨地點播，除足球、籃球、排球、羽毛球、乒乓球、跳水、游泳、舉重、射擊等熱門項目，連靜水獨木舟、激流獨木舟、馬拉松游泳、彈網、自由式摔跤、古典式摔跤亦一應俱全，照顧不同需要，觀眾只需透過手機程式或機頂盒，即可欣賞到超過二千小時的比賽內容，無論安坐家中，抑或返工放工，都可隨時隨地收睇屬於自己的奧運，徹底顛覆以往要定時定候捕喺電視機前等睇心儀賽事的被動模式！
心水項目實冇甩漏
李佳芯首次為無綫擔任奧運主持，大讚myTV SUPER點播功能幫到手，她說：「我會用myTV SUPER嘅點播功能，揀我鍾意嘅賽事同運動員嚟睇！除咗自己鍾意嘅游水同體操項目，今屆都會特別留意香港運動員有份參與嘅賽事，好似單車同乒乓球，奧運有咁多比賽項目，一個人真係冇可能睇得晒全部，但係有咗myTV SUPER嘅點播功能就唔驚會錯過咗自己嘅心水項目」
陳庭欣則有另類選擇，她說：「我就鍾意睇啲相對冷門嘅賽事，好似激流獨木舟，我就一定會捧場！雖然我唔算好在行，但係之前去拍旅遊節目都接觸過呢種運動，感覺非常之刺激緊張，充滿挑戰性，我仲膽粗粗試玩過一次，坐喺隻獨木舟度向下游衝，我仲唔小心撞親頭添，好彩有戴頭盔保護住，可想而知呢個運動好講究技巧，我就算睇到運動員玩都好有回憶！」
朱凱婷Mon實中國飛魚
朱凱婷指會用點播功能來網羅奧運男神，她說：「今屆有中國飛魚寧澤濤，六呎三吋高夠晒吸睛，又有美國菲比斯，德越混血體操運動員阮馬素，簡直係運動員加明星集一身，今屆我除咗睇直播外，仲會用myTV SUPER點播功能，追睇呢班奧運男神！」
陳百祥自言是「奧運精」，他說：「就算TVB唔搵我做主持，我都會瞓身睇奧運，但係咁多賽事，有啲仲同一時間進行，點算？今年勝在有myTV SUPER畀觀眾揀自己鍾意嘅賽事嚟睇，幾千小時嘅內容，我就好貪心嘅，大部分都會睇晒，足球唔在講，連我一生人唯一做唔到嘅運動－－－體操，我都會睇晒，咁就一定要靠myTV SUPER至搞得掂！」
文：影視組
|
鍾意就快D Share啦！
|
|
|
