掃呢頁CODE去手機

2016年8月8日 星期一

【動畫】【獨家有片】拖爆肌男酒吧Gathering Coffee:佢係我男朋友 __,Coffee,林芊妤,

擁有34D驕人上圍嘅林芊妤(Coffee),前年喺廁格重新定義咩叫「Gathering」,不過大台就唔係咁欣賞炒咗佢,因禍得福轉教瑜伽,俾佢殺出條新血路。之前Coffee講過,如果喺街見到佢拖住個男仔,咁嗰個就係佢男友喇,日前《蘋果》發現Coffee公然拖住身高6尺,胸肌至少有42寸嘅爆肌男男男男!當晚約10點半左右,Coffee着低胸背心加熱褲拖住個爆肌男喺銅鑼灣逛街,不過Coffee明顯保持高 ...




其他影片:>>






擁有34D驕人上圍嘅林芊妤(Coffee),前年喺廁格重新定義咩叫「Gathering」,不過大台就唔係咁欣賞炒咗佢,因禍得福轉教瑜伽,俾佢殺出條新血路。之前Coffee講過,如果喺街見到佢拖住個男仔,咁嗰個就係佢男友喇,日前《蘋果》發現Coffee公然拖住 身高6尺,胸肌至少有42寸嘅爆肌男男男男!當晚約10點半左右,Coffee着低胸背心加熱褲拖住個爆肌男喺銅鑼灣逛街,不過Coffee明顯保持高度警戒,左手拖住男朋友,兩眼就不停左望右望,方死俾人發現咁。之後兩個人就拖到實一實咁上咗耀華街一間酒吧,佢哋原來約咗另外兩男兩女,合共6人喺上面有聚會。入到酒吧,由於現場環境漆黑一片,加上場內有多位朋友,Coffee都完全放底晒戒心,6個人分兩組玩掟波遊戲,輸咗嘅Coffee仲好豪邁咁攞起酒杯,隊完一杯又一杯,飲完就向爆肌男友施展迷暈電眼,爆肌男友亦好識做,間唔中會啜啖Coffee幫佢打氣,又會雙手熊抱Coffee入懷,冧到Coffee暈晒大浪!一行人玩咗兩個鐘,大約凌晨12點半離開,不過佢哋都好似有啲意猶未盡,落樓後成堆人企喺街傾咗一陣,再你攬我,我攬你say bye,以為Coffee同爆肌男友會有下場,點知Coffee自己搭的士走人。不過臨走前,Coffee同爆肌男友互相都好唔捨得,你眼望我眼,然後又攬埋一嚿。之後的士嚟到,Coffee自己上車,臨走前就同爆肌男友揮手講拜拜。不過,Coffee上車後先發現冇錢,的士先駛咗去藍田搵櫃員機撳錢,然後先再車佢返將軍澳寓所。拖爆肌男酒吧聚會Coffee回覆蘋果:「拖住手嗰個係我男朋友嚟,不過我哋都係開始咗幾個月,佢都係圈外人,唔習慣畀人影,希望大家畀啲空間我」

Coffee日前拖實爆肌男,落吧同幾位朋友gathering,臨走仲你眼望我眼要goodbye kiss。(採訪:吳耀輝、潘冠恩) 拖住手喺銅鑼灣,警戒心好高。 等lift就放鬆咗。
上到去黐住爆肌男友玩得好癲。(DV圖片) 仲一飲而盡! 玩咗兩個半鐘走人,仲係左望右望。
含情默默咁對望,有咩要求先?
原來係想錫面珠。 自己返屋企,男友呢?

鍾意就快D Share啦!