2018年6月15日 星期五

父親節2018:黃心穎加國撞車昏迷 老父驚到唔敢探望 __,心穎,黃心穎,

有爸的孩子像個寶,心穎錫晒爹哋!無綫花旦黃心穎趁父親節分享對爸爸的愛!眾所周知她對上有三個索爆家姐,父親為名中醫師黃沛霖,從小跟隨母親移民溫哥華,僅留 ...


有爸的孩子像個寶,心穎錫晒爹哋!


無綫花旦黃心穎趁父親節分享對爸爸的愛!眾所周知她對上有三個索爆家姐,父親為名中醫師黃沛霖,從小跟隨母親移民溫哥華,僅留下父親一人在港行醫,努力賺錢給家人過最好的生活,她謂:「我爸爸好偉大,一個養四個女同老婆,我哋仲要唔係特別慳家,爸爸只係每年過嚟一、兩次探我哋,所以我成長時期有十幾年冇同爸爸一齊住。」

心目中超級英雄

雖然錯過了心穎的成長期,但在她眼中,父親是一名民間超級英雄,行醫多年成功為不少病人醫好病痛:「爸爸幫助好多人,個個當佢神醫咁,好多病人後來都同爸爸變成好朋友,真係好犀利。」

談到印象最深刻的一次,心穎指18歲時身在加國發生交通意外昏迷,當送到急症搶救時,家人急急致電黃父趕到醫院,但直至心穎昏迷數小時醒來後,但不見父親蹤影:「醒番見全家人都喺度,但淨係唔見爸爸,原來係爸爸收到消息之後好驚,手都震晒,驚我有咩事接受唔到,一路唔敢嚟醫院,後來知我醒番先嚟睇我,所以我覺得爸爸真係好錫我。」

補償失去見面時間

為補償成長期與父親的相處時間,心穎現時一有空便陪伴父親,即使僅得幾小時也照殺,至於今個父親節,心穎除了會相約父親及家人食飯慶祝,還決定買一部新電視機給父親作為禮物,她謂:「爸爸平時好慳,唔追求啲乜嘢,雖然我冇一個富爸爸,但心中已經好富有,舊年幾姊妹一齊夾錢買咗隻貴錶畀爸爸,今年呢...佢平時好鍾意睇我啲劇同節目,見佢電視壞咗就買部新嘅畀佢」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...