掃呢頁CODE去手機

2018年6月15日 星期五

【越問越傷心】捽鼻掩面欲哭無淚 陳家樂:拍戲唔想回應太多 __,陳家樂,

攝影:梁繼光、黃曉程
陳家樂跟余香凝4年情玩完,有指係余香凝同保險才俊Victor來往甚密,導致分手收場,不過男未婚女未嫁,大家都有選擇權,真係好難為愛情定分界。余香凝今午 ...


陳家樂跟余香凝4年情玩完,有指係余香凝同保險才俊Victor來往甚密,導致分手收場,不過男未婚女未嫁,大家都有選擇權,真係好難為愛情定分界。余香凝今午3點見傳媒,承認為咗開舖事宜而到過Victor家中開會留宿,亦無意消費陳家樂。

飽受分手新聞困擾嘅家樂今日寄情工作,晚上接近7點,佢戴住口罩、穿上黑色運動外套,一臉憔悴亮相旺角,準備為電影《速戰》上樓開工。

到接近8時,家樂換過戲服,相手合十落樓接受傳媒訪問。有記者問到佢心情有冇有改善,佢依然一臉哀傷,家樂只係話:「今日要拍戲,唔想回應太多。希望畀多啲空間我去處理呢件事,唔想影響劇組拍攝。」家樂話作為專業員亦係工作一部份,會平伏心情去拍戲,問到係咪如余香凝所講分手一個月時,佢話:「係分咗手,希望畀啲空間我哋,處理自己工作先。」

之後家樂行到西洋菜街南準備拍攝,見佢其間不時以手捽鼻掩面,且雙眼通紅,有記者問到佢係咪想喊時,佢雙眼顯得更加紅腫。現場預備咗5輛跑車,家樂跳上第一部嘅GTR開工。劇情講述家樂開住跑車到現場,佢一落車在場人士即歡呼。

另外,家樂雖然情路失意,不過事業發展就有聲有色。除咗《速》片,早前佢參加演出陳友導演嘅電影《兄弟班》,故仔講述樂隊溫拿一路走來嘅兄弟情,戲入面佢飾演彭健新。而《兄》片近日入圍第17屆「紐約亞洲電影節」(New York Asian Film Festival),有機會角逐「觀眾票選大獎」(Audience Award)。



精選娛聞,喺晒《娛果》

http://fb.com/appledailyent

攝影:梁繼光、黃曉程 陳家樂晚上到旺角拍電影《速戰》,換過戲服後再落樓。 陳家樂晚上到旺角拍電影《速戰》,換過戲服後再落樓。
當時神情哀傷。

當時神情哀傷。
雙眼通紅。

雙眼通紅。
用手捽鼻掩面。

用手捽鼻掩面。
神情話你知,佢心入面有幾痛。

神情話你知,佢心入面有幾痛。
吳鶴謙(阿友-陳友)、陳家樂(阿健-彭健新)、林耀聲(阿強-葉智強)、鄧加樂(阿倫-譚詠麟)、王梓軒(阿力)《兄弟班》劇照

吳鶴謙(阿友-陳友)、陳家樂(阿健-彭健新)、林耀聲(阿強-葉智強)、鄧加樂(阿倫-譚詠麟)、王梓軒(阿力)《兄弟班》劇照

鍾意就快D Share啦!