掃呢頁CODE去手機

2018年6月15日 星期五

與周秀娜粗暴行房?馬浚偉:唔敢做得太放 __,馬浚偉,周秀娜,

娜姐周秀娜喺前晩嘅《宮心計2深宮計》正式登場,因為陳煒知道胡定欣冇仔生之後,即刻搵咗姨甥女周秀娜入宮做妃嬪,結果搞到胡定欣驚自己地位不保,頻頻出招打擊 ...


娜姐周秀娜喺前晩嘅《宮心計2深宮計》正式登場,因為陳煒知道胡定欣冇仔生之後,即刻搵咗姨甥女周秀娜入宮做妃嬪,結果搞到胡定欣驚自己地位不保,頻頻出招打擊娜姐。

之後播出嗰一集,因為娜姐深得太上皇同皇太后嘅歡心,喺陳煒嘅力爭下,娜姐冊立為正二品昭儀,不過令到馬浚偉更加抗拒兼不滿,礙於太上皇嘅威嚴,馬浚偉只好敢怒不敢言。

陳煒針對呢一點,處處為難定欣,甚至乎喺尚宮局籌備嘅冊封時候,借意多次刁難,甚至掌摑康華,以示自己有太上皇撐腰。表面上定欣處處表現為大局著想而忍讓,但係實際上佢為咗唔俾人搶走佢嘅嘢,用盡方法令馬浚偉唔接受娜姐。

好似喺冊封前夕,定欣去搵娜姐,睇吓籌備冊封大典嘅進度,期間佢知見陳煒送咗一支用石榴花製成嘅開榴百子,寓意多福貴子,定欣知道之後,扮唔小心咁整斷,本來娜姐都不以為意,點知定欣又自編自導自演,打傷自己嫁禍俾娜姐,仲扮委曲求全,叫馬浚偉唔好耽誤良辰美景。

結果馬浚偉一怒之下,匆匆去飲完否合卺酒之後,用近乎粗暴嘅方式,扯爛娜姐嘅衫而草草了事,完成後娜姐好冷漠咁喺張床度喊!雖然喺鏡頭前,馬浚偉同娜姐一啲都冇親熱場面,娜姐都只係露吓膊頭同大脾,但係反而會令你意識到成個過程係幾咁求其,而娜姐喺電視上嘅表現,暫時就冇乜特別出色嘅地方,唯有慢慢睇落去先知喇。

馬浚偉前日接受《蘋果》訪問,講到當日拍呢場戲,佢話:「其實拍嗰陣冇尷尬,導演都冇要求我哋有乜嘢動作,只係除佢衫、揭佢條裙,之後就係意識上嘅嘢,始終呢套係古裝戲,所以用畫面同神態去交代嗰種感覺。」

馬仔仲話:「我哋係有啲保留,唔敢做得太放,始終尺度唔係太容許。娜姐真係好好傾,拍完呢套戲真係好欣賞佢,雖然佢第一次拍劇,但係佢啲準備功夫真得好足,尤其係嗰啲喊戲!」至於劇情嘅發展,佢就話:「我只可以講我嘅陰暗面已經走緊出嚟,游走喺正邪之間!




鍾意就快D Share啦!