鄭秀文（Sammi）、韓星崔始源與鄧麗欣（Stephy）昨日在中環出席Chanel腕錶活動，始源吸引過百粉絲，而他好親民與粉絲打招呼。始源接受訪問時，透露現忙於籌備專輯，之後會去美國拍電影，及將會拍綜藝節目《Super TV2》。問到始源留港會否探朋友，他表示曾合作拍《破風》的竇驍在港拍廣告，將會晚宴後見面，提到另一演員陳家樂失戀的新聞，在旁繙譯表示他不知道，故不回應，而始源就以普通話表示：「我聽不明。」
想去學校巡迴
Sammi就提到老公許志安是足球迷，將會與明星足球隊去俄羅斯睇世界盃：「唔知佢睇邊場，今晚（昨晚）世界盃11點開鑼，佢都好興奮，之前話自己扭親腳要『掛靴』。」Sammi提到最近聽得太多生生死死、自殺新聞令她心酸：「政府委任我做精神大使，希望去吓屋企學校巡迴講座，注重精神健康問題，唔想被委任咗唔做嘢。」對於好友林燕妮過身，她表示：「佢喺信仰中得到好多平安同力量，佢喪禮我一定會出席。」問到在她身上學到甚麼，Sammi說：「都有，不過自己唔想成日搵嚟做新聞，呢個朋友係我心裏好重要，在心中。」
另外，Stephy大讚始源真人靚仔好吸引，希望有機會合作，之前她與吳雨霏飯敍，她表示：「醫生話佢隨時生得，之前兩、三個禮拜見過一次，個肚都冇咁大。以前有啲幻想，到時生會點，係自然生定開刀生呢啲細節。」問到會否收BB做契女，她說：「冇傾過，佢好似冇講過BB性別，我哋冇乜所謂，都會好錫BB。」
採訪：羅慧敏
攝影：陳慧安
|
鍾意就快D Share啦！
|
|
|
