2018年6月15日 星期五

廖子妤撐姊妹:佢好掙扎同難過! __,

廖子妤撐姊妹:佢好掙扎同難過!

廖子妤撐姊妹:佢好掙扎同難過!陳家樂與余香凝拍拖多年經常在網上放閃,卻突傳分手,令到身邊的朋友大感愕然!廖子妤身為余香凝好姊妹的廖子妤力撐對方:「佢係 ...


陳家樂與余香凝拍拖多年經常在網上放閃,卻突傳分手,令到身邊的朋友大感愕然!

廖子妤

身為余香凝好姊妹的廖子妤力撐對方:「佢係好獨立、好顧家嘅女仔,好早就賺錢養家。」她早就知兩人分手:「佢喺分手時期係好掙扎同難過,感覺到佢係好無力,我見證住佢哋戀愛,佢喺呢段情付出好多,好為對方着想,喺生活上好多細節佢係照顧住,當然家樂都有付出好多,雙方都好努力經營呢段關係,所以就片面之詞去指摘佢,係非常之唔公平,我好心痛佢既要頻撲兼顧工作又好堅強。」

余潔滢

余香凝妹妹余潔滢說:「家姐同家樂分手,我一早知道,佢哋之間不存在第三者,佢哋為咗分手呢件事,已經好唔開心,希望大家畀多啲空間佢哋去解決處理,佢哋工作都好忙;同埋家姐絕對唔係一個拜金嘅女仔,認識佢嘅人都知道,佢唔會係啲咁嘅人。」

衛詩雅

衛詩雅說:「睇到呢單新聞,非常愕然,因為無耐之前,仲見到佢哋好開心,佢哋都係成年人,應該知道點樣去解決,唔好畀咁大壓力佢哋,見到家樂咁,我都好心痛,希望佢快啲振作番!」

湯怡

被問到可有關心好友陳家樂?湯怡變得嚴肅自稱全不知情,睇報道才得悉:「冇刻意去問佢發生咩事,如果佢想傾訴都會樂意聽。」之前家樂睇她主演的《某日某月》時哭着離場,是否關分手一事?她說:「我局外人費事回應咁多,等佢哋兩個回應番。(有冇同佢傾感情事?)冇呀!」

陳詩欣

陳詩欣說:「感情係兩個人嘅事,作為外人唔可以評論咁多、干涉咁多,希望佢哋以後幸福快樂,以我認識嘅余香凝絕對唔係拜金女仔,希望件事快啲雨過天青!」




鍾意就快D Share啦!
Related Posts Plugin for WordPress, Blogger...