2015年7月2日 星期四

入不敷支 「是非妹」李佳芯 髮型屋秘撈 [壹週刊 - 1321] 李佳芯,M1,



08年在有線出道的李佳芯,過檔無綫後捱了四年,不過在無綫當三線藝員,底薪相信難過萬。

探熱針

入不敷支 「是非妹」李佳芯 髮型屋秘撈

因為主持無綫節目《學是學非》開始為人留意的「是非妹」李佳芯,即使近年有機會拍劇,但收入依然有限,要在上樓髮型屋做秘撈,招呼客人,斟茶遞水。

單打獨鬥

一二年由有線電視轉投無綫的「是非妹」李佳芯,不似其他余(詠珊)黨獲得加護,單打獨鬥,直至去年在節目《學是學非》因為活潑表現,而得網民歡心。

雖然演出機會漸多,但無綫份糧唔夠使,記者發現李佳芯在一間上樓髮型屋做兼職,搵多份。上週五(六月二十六日),有份拍新劇《潮流教主》的李佳芯收工後,即趕到銅鑼灣返另一份工。髮型屋約得五百呎,但蚊型鋪內竟然做埋美容,還有男士服裝及女士首飾供售,好多元化;店內有兩個髮型師、一個洗頭學徒,李佳芯則負責雜務。

上週五拍完新劇《潮流教主》的李佳芯,即趕返銅鑼灣上樓髮型屋開工,幫客人沖花茶,由斟茶遞水到睇數,一腳踢。

下午趁鋪頭未有客,李佳芯叫同事幫佢染髮。

髮型屋仲有男裝寄賣,當日她都要幫手執貨。

李佳芯與黃心穎、梁嘉琪、麥美恩主持《學是學非》,四條女生鬼表現,令形象入屋,討得網民歡心。

斟茶掃地

接近放工時間,開始有客人上門,李佳芯自動波為客人沖茶,之後走到賣男裝的角落,幫手執貨。

「間鋪 Ali(李佳芯)其實都有少少份,間髮型屋係上年開嘅,佢志在有個位俾佢賣首飾,不過生意仔乜都要做,所以佢會幫手招呼客人,斟茶遞水,有時連掃地都做埋。單靠無綫份糧邊夠使,好多人都係身兼兩職甚至多職先夠生活。 Ali近年都真係多咗嘢做,有啲人以為佢係有線舊人,係余詠珊愛將,其實佢係靠自己;過檔初期只係喺收費台同 J2做節目,上年因為做《學是學非》先有人留意,有機會調去拍劇。」知情者說。

去年她在台慶劇《名門暗戰》飾演小三,一度俾高登仔讚佢夠索。

李佳芯為應付約兩萬元租金,五百呎的髮型屋仲賣埋衫同首飾,又有 facial服務。

同人唔同命,同是有線舊將的洪永城、黃翠如及陸浩明等,則獲余詠珊大力提攜。

在城大是視覺藝術副學士的她,醉心水墨畫,數年前與一班同學開過畫展。

跳槽到無綫後,李佳芯初期主力在 J2台做主持,機會不多。

吊命

無綫人工低,好多藝員底薪唔過萬,做兼職幫補生計。

梁烈唯

未憑劇集《缺宅男女》的「關二哥」一角爆出前,要養家住天台屋的梁烈唯,不時趁拍劇空檔到表哥開的茶餐廳兼職做樓面。

高鈞賢

在加拿大約克大學主修 Marketing的高鈞賢,返港當選港男後,學歷高人工奀,之後還要被大台凍薪五年,入不敷支,靠朋友帶挈入股車房撈多份。

古明華

在無綫捱咗廿年都係二打六的古明華,憑「蘇基」一角彈出前,要做埋幕後配音維持生計,養活一家三口。

鍾意就快D Share啦!
Related Posts Plugin for WordPress, Blogger...