2015年7月2日 星期四

賴得就賴 改名轉電話 許亦妮變臉催運 [壹週刊 - 1321] 許亦妮,M1,



2015年

為了搏反彈, Whitney不但改名求轉運,更節食減肥,將原本粗線條修復,足足瘦咗一個碼。

探熱針

賴得就賴 改名轉電話 許亦妮變臉催運

一一年港姐季軍兼最上鏡小姐許亦妮( Whitney),形象負面長期被大台冷落,去年傾續約期間,因為嫌公司開出條件與自己心目中有一段距離,竟然拍枱向余詠珊發洩,招來雪藏之禍。冰封一年,終獲解凍,將一切歸咎運差的她,變臉改名轉電話號碼,多管齊下催運搏反彈。

2013年拍攝《喜愛夜蒲 2》時, Whitney當時的身形還是大大隻隻,看上去很粗身。

已改名轉電話號碼的 Whitney,向幕後人員廣發有關訊息。

05年的時候,當模特兒的 Whitney,樣子甜美但不算上鏡,直到 13年當選港姐季軍,開始懂得打扮,早前更加面形大削,化妝亦抄足韓風。

近照

2014年

2005年

拍枱惹禍

去年與 Whitney傾續約的余詠珊,因被對方拍枱大鬧,一怒之下將她掟入雪櫃。

多被安排做節目主持的許亦妮,去年有份參與《街頭魔法王 2》,但因表現差被觀眾狂插,加上曾被錢國偉睇中可以接拍電影《喜愛夜蒲 3》,自以為從此可以在影圈大展拳腳,就連高層都敢得罪。

「舊年余詠珊搵 Whitney傾續約,但條件唔係咁理想,佢即刻發咗癲咁拍枱鬧余詠珊,結果就俾人掟咗入雪櫃舊年部《名門暗戰》都係佢拍枱之前拍落。」一名無綫人說。

師傅改名

雪足一年,許亦妮經過檢討,竟將一切歸咎運差。

「佢唔覺自己態度有問題,所有事都係因為運差;所以佢搵咗個師傅幫佢改名又換電話號碼,最近 Whitney周圍發訊息,通知公司啲監製同導演,話佢改咗名叫許芷僑,香港同內地電話亦轉咗以『 8』字為主的號碼,仲留言話希望大家對佢多多指教,同多點用佢。」

自以為拍了《喜愛夜蒲 2》便升呢的 Whitney,得罪無綫後零工作機會,直至最近才獲解凍。

剛解凍的 Whitney,被安排與陳豪、羅仲謙等人拍攝新劇《潮流教主》。

去年初主持《街頭魔法王 2》的 Whitney,因在節目中不時大叫及搶對白而被觀眾插爆。

一不做二不休

同時,許亦妮亦喪減肥兼大執樣,瓜子臉尖到似足日本漫畫公仔。「以前望落會覺得佢大大隻隻,而家瘦咗成個碼,個 body變咗個樣都變埋,對眼突然大晒又變成面尖尖,化妝都跟足韓國女仔!」知情者說。

多此一舉

娛樂圈係偏門,藝人大多數信風水命理,甚至改名求轉運,以為自此會行運一條龍,但一個都冇!

李詩韻→李施嬅

今年 2月,李詩韻在微博宣布改名做「李施嬅」,又話個名係為懷念嫲嫲離世。

鍾欣桐→鍾欣潼

鍾欣桐(阿嬌) 13年改名做鍾欣潼,原名叫鍾狄珊的她,兩歲改叫鍾嘉勵,入行變成鍾欣桐;之後再將桐字變成潼,改咗兩年,毫無起色。

羅霖→羅芊霖

「美魔女」羅霖去年接受阿媽提議,改名叫「羅芊霖」,並解說「芊」字較為女性化,希望回復單身後可以擺脫辛苦命。

何超盈→何朗禎

何鴻燊四房子女的名字,男用「猷」,女用「超」, 13年何超盈聽高人指點改名何朗禎,但強調身份證會繼續用「何超盈」,新名只當花名用。

鍾意就快D Share啦!
Related Posts Plugin for WordPress, Blogger...