全城熱爆的娛樂八封新聞 & 時事趣聞 & 生活 + 趣聞
劉松仁全程拖住阿媽冇放手，行行吓興起玩埋自拍合照。
百行孝為先！定期會陪老媽子去街嘅劉松仁，嚴格執行。上星期二（六月二十三日）， 65歲依然睇得吓嘅松叔，同年近九旬嘅阿媽喺又一城食完晏，跟住行圈 window shopping。
頭髮全白嘅松媽篤住枴杖，行得極慢，孝順仔耐性十足，全程拖住一齊慢 walk。其間，兩母子入咗 Page One睇保暖杯，松叔又專登行入超市睇吓老媽子想唔想買啲麵包、生果之類嘅嘢，但松媽都係望吓就算。老人家志在鬆吓副骨頭，唔想花錢，松叔於是出絕招，去櫃員機㩒咗成萬蚊大牛出嚟，塞俾阿媽「責」袋。呢啲孝順仔，生多幾個都唔怕。
老媽子乜都唔要，劉松仁唯有俾 cash，㩒咗成萬蚊出嚟孝敬阿媽。
入 Page One睇保暖杯，跟住再去超市搵嘢買，但松媽都係得個睇字。
經過 Gieves& Hawkes見到個 pizza box手提包（箭嘴），劉松仁覺得好特別，兩母子研究一番。
