全城熱爆的娛樂八封新聞 & 時事趣聞 & 生活 + 趣聞
上星期二（六月二十三日），有報導指許廷鏗同易服男阿小喺大圍曉翠山莊同居，翌日佢現身中環，戴晒口罩，得番對眼。
試過同男伴公園瞓大髀嘴嘴斷正嘅許廷鏗，最近又俾人踢爆同易服男（關心妍助手阿小）三年情不變，半年前仲展開半同居生活。
一而再傷盡女 fans心，許廷鏗搬自己阿媽出嚟話同屋企人住，又話被指「愛巢」嘅大圍單位其實係朋友屋企，對方媽咪係長期病患者，嗰度係佢哋一班朋友聚腳地方。愈講愈露出馬腳，同性攣情上頭條後第二日（上星期三），許廷鏗一支公喺中環街頭等朋友，只見佢戴晒口罩，又柄埋喺條柱邊頭耷耷搞電話，盡量唔望人，唔知驚乜！27歲許廷鏗敢做唔敢認，笠晒水！
面向馬路又成日耷低頭搞電話，再爆同性攣情，許廷鏗擺明唔想俾人見到認出佢。
（《蘋果日報》圖片）
